សៀមរាប: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា យ៉ាងហោចណាស់មនុស្ស៣នាក់បានរងរបួសធ្ងន់ស្រាល ក្នុងហេតុការណ៍ គ្រោះថ្នាក់ចរាចរណ៍រវាងគោយន្តច្នៃ ប៉ះទង្គិចជាមួយរថយន្តមា់ក ហាយឡិនឌ័រ ។
ហេតុការណ៍នេះកើតឡើងនៅថ្ងៃទី១៤ ខែកុម្ភ: ឆ្នាំ២០២១ វេលាម៉ោង ១៦ និង២០ នៅចំណុចមុខផ្លូវចូលព្រលានយន្តហោះថ្មី លើផ្លូវជាតិលេខ៦៤ ស្ថិតក្នុងភូមិដំរីកូន ឃុំពពេល ស្រុកសូទ្រនិគម ខេត្ត សៀមរាប ។
មុនពេលកើតហេតុ គោយន្តកែច្នៃដឹកដី ពណ៌ខៀវ គ្មានស្លាកលេខ បើកបរដោយឈ្មោះ យ៉ែម សុខណា ភេទប្រុស អាយុ ២៥ឆ្នាំ មានទីលំនៅភូមិថ្នល់ ឃុំចាន់ស ស្រុកសូទ្រនិគម ខេត្តសៀមរាប បើកបរក្នុងទិសដៅពីជើងទៅត្បូង បានបុកប៉ះជាមួយរថយន្ត ម៉ាកហាយឡិនឌ័រ ពណ៌ទឹកមាស ពាក់ស្លាកកលេខ ភ្នំពេញ 2S.3372
បើកបរដោយឈ្មោះ ញ៉ែម គឹមសេង ភេទប្រុស អាយុ៣២ ឆ្នាំ មានទីលំនៅភូមិហ្មសែត សង្កាត់ ប៉ាហាល ក្រុងព្រះវិហារ ខេត្តព្រះវិហារ បើកបរក្នុងទិសដៅពីត្បូងទៅជើង អ្នករួមដំណើរចំនួន៣នាក់រងរបួស រួមមាន ១.ឈ្មោះ ទីន សុភ័ក្រមុនី ភេទស្រីអាយុ ៣១ឆ្នាំ, ២. ឈ្មោះ រស់ ធីតា ភេទស្រី អាយុ ២៧ឆ្នាំ អ្នកទាំង២មានទីលំនៅបច្ចុប្បន្ន ភូមិសំរោង ឃុំកំពុងប្រណាក ក្រុងព្រះវិហារខេត្តព្រះវិហារ និង៣. ឈ្មោះខូវ ចន្នី ភេទស្រី អាយុ ២៧ឆ្នាំ
មានទីលំនៅភូមិ ពង្រក្រោម ឃុំត្នោតជ្រុំ ស្រុកបារាយណ៍ ខេត្តកំពង់ធំ ។
លោកវរសេនីយ៍ឯក ទេព ចាន់ណា អធិការនៃអធិការដ្ឋាននគរបាលស្រុកសូទ្រនិគមបានឲ្យដឹងថា ករណីគ្រោះថ្នាក់ចរាចរណ៍នេះកើតឡើងដោយសារអ្នកបើកបរគោយន្តដឹកដី បើកបរមិនប្រកាន់ស្ដាំ ។
ក្រោយកើតហេតុ សមត្ថកិច្ចជំនាញបានចុះវាស់វែងធ្វើកំណត់ហេតុ និងបញ្ជូនជនរងគ្រោះទៅសង្គ្រោះនៅមន្ទីរពេទ្យបង្អែក ។ ចំណែកវត្ថុតាង សមត្ថកិច្ចយកមករក្សាទុកនៅអធិការដ្ឋាននគរបាលស្រុកសូទ្រនិគមដើម្បីចាត់ការតាមនីតិវិធីបន្ត ៕
មតិយោបល់