តាកែវ: ថ្ងៃច័ន្ទ ១០រោច ខែផល្គុន ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី០៨ ខែមីនា ឆ្នាំ២០២១ វេលាម៉ោង២និង១០នាទី មាន ករណីគ្រោះអគ្គិភ័យមួយបានឆាបឆេះផ្ទះប្រជាពលរដ្ឋ ឈ្មោះ ឯម ង៉ែត ភេទប្រុស អាយុ៦២ឆ្នាំ មុខរបរកសិករ មានទីលំនៅភូមិ ត្រពាំងប្រីយ៍ ឃុំសឹង្ហ ដែលផ្ទះមានទំហំ ៤x៥ ម៉ែត្រ ធ្វើអំពីឈើប្រក់ស័ង្កសីជញ្ជាំងស្លឹកផ្ទះតៀមឆេះខូចខាតអស់ទាំងស្រុង ។

សម្ភារ:ខូចខាតរួមមាន: – មាស០១ជី, -ម៉ាស៊ីនបូមទឹក០១គ្រឿង, -សម្លៀកបំពាក់មួយចំនួន ,-ស្រូវមួយចំនួន ។

ករណីនេះបានរាលដាលឆេះផ្ទះរបស់ឈ្មោះ អែម ឈុយ ភេទប្រុស អាយុ២៥ឆ្នាំ ដែលត្រូវជាកូនផ្ទះមាន ទំហំ ៦x៧ ម៉ែត្រ ដែលធ្វើអំពីឈើ ដំបូលប្រក់ស៊ីប្រូ រនាបក្តារ ជញ្ជាំងក្ដារ ឆេះខូចខាតអស់ទាំងស្រុង ។

សម្ភារ:ខូចខាតរួម: មានប្រាក់ដុល្លារចំនួន៧០០ ដុល្លារ, -ស្រូវចំនួន៣០ បាវ ,-សៀវភៅគ្រួសារ ,-សៀវភៅស្នាក់នៅ
– សំបុត្រកំណើត, -អត្តសញ្ញាណប័ណ្ណរួមនឹងសំលៀកបំពាក់មួយចំនួន ។

ហេតុការណ៍ខាលើនេះ កម្លាំងជំនាញអគ្គិភ័យនៃអធិការនគរបាលស្រុក មិនបានចេញរថយន្តទៅជួយពន្លត់ទេ ដោយមូលហេតុពុំមានផ្លូវចូលរថយន្ត ។ មូលហេតុ: បណ្ដាលមកពី ឆ្លងចរន្ត អគ្គិសនី ៕