បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី២៥ ខែមីនា ឆ្នាំ២០២១ វេលាម៉ោង១៦នឹង០០នាទី នៅចំណុចក្រុមទី១៤ ភូមិតាង៉ែន ឃុំតាគ្រាម ស្រុកបាណន់ កម្លាំងនគរបាលប៉ុស្តិ៍តាគ្រាម សហការជាមួយកម្លាំងអន្តរាគមន៍ នៃអធិការដ្ឋានស្រុកបាណន់ និងកម្លាំងបង្ក្រារបង្ក្រាបនៃស្នងការដ្ឋាននគរបាលខេត្ត បានចុះបង្ក្រាបករណីប្រើប្រាស់អាវុធកែច្នៃ (កាំភ្លើងខ្យល់) បាញ់សត្វក្នុងព្រៃសហគមន៍ខុសច្បាប់១លើក នៅចំណុចភ្នំឈូងស្វាយ ភូមិតាង៉ែន ឃុំតាគ្រាម ស្រុកបាណន់។
ក្នុងកិច្ចប្រតិបត្តិការនេះ សមត្ថកិច្ចស្រាវជ្រាវឃាត់ខ្លួនអ្នកប្រើប្រាស់ចំនួន៤នាក់
១.ឈ្មោះ ឡឺង លេង ភេទប្រុស អាយុ៣០ឆ្នាំ,
២.ឈ្មោះ ឈឿង សុភ័ក្រ ភេទប្រុស អាយុ២៦ឆ្នាំ,
៣.ឈ្មោះ នៅ ណាត ភេទប្រុស អាយុ២៥ឆ្នាំ និង
៤.ឈ្មោះ សាន រក្សា ហៅ ប្រុស ភេទប្រុស អាយុ២៦ឆ្នាំ អ្នកទាំង៤ រស់នៅភូមិតាង៉ែន ឃុំតាគ្រាម ស្រុកបាណន់។
វត្ថុតាងដកហូតបានរួមមាន: កាំភ្លើងចំនួន ៦ដើម, កាំភ្លើងព្រួញកណ្តុរ ១ដើម, ពូថៅ១, ដាវ១, គ្រាប់កង់២ប្រអប់ និងម៉ូតូ៣គ្រឿង។
បច្ចុប្បន្នសមត្ថកិច្ចបានរៀបចំបញ្ជូនជនសង័្សយទាំង៤នាក់ទៅការិយាល័យជំនាញនៃស្នងការដ្ឋាននគរបាលខេត្តដើម្បីចាត់ការបន្តតាមផ្លូវច្បាប់៕
មតិយោបល់