ផ្ទះ ព័ត៌មានជាតិ អាសូរណាស់! ក្...

អាសូរណាស់! ក្មេងស្រីអាយុ ៤ឆ្នាំម្នាក់ ត្រូវជីតាបង្កើតចាប់រំលោភសម្រេច ៣ដង

0

សៀមរាប: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា នៅថ្ងៃទី ០៤ ខែមេសា ឆ្នាំ២០២១ សមត្ថកិច្ចខេត្តសៀមរាបបានចុះស្រាវជ្រាវ និងឃាត់ខ្លួនបុរសចំណាស់ម្នាក់ដែលរំលោភសេពសន្ថវ:លើចៅបង្កើតដែលជាអនីតិជនកាលពីអំឡុងខែកុម្ភ: ឆ្នាំ ២០២១។

លោកវរសេនីយ៍ឯក ជា ហេង នាយការិយាល័យប្រឆាំងការជួញដូរ និងការពារអនីតិជនបានឲ្យដឹងថា : នៅថ្ងៃទី ០៣ ខែមេសា ឆ្នាំ២០២១ ឈ្មោះ ធី ជា បានមកប្តឹង នៅប៉ុស្តិ៍រដ្ឋបាលស្រង៉ែថា ក្មេងរងគ្រោះឈ្មោះ ទ. ស.អ. អាយុ ៤ឆ្នាំ បានប្រាប់ថា តាបង្កើតឈ្មោះ លាក់ លាង បានរំលោភសេពសន្ថវ:មកលើខ្លួនបានសម្រេចចំនួន ០៣ដង ។

ក្រោយពីទទួលបណ្តឹងរួច សមត្ថកិច្ចជំនាញបានររាយការណ៍ជូនឯកឧត្តម កើត វណ្ណារ៉េត ព្រះរាជអាជ្ញា ដើម្បីសុំគោលការណ៍កោះហៅ ជនសង្ស័យមកធ្វើការសាកសួរ ។

តាមការសាកសួររបស់សមត្ថកិច្ច ជនសង្ស័យបានសារភាពថា ខ្លួនពិតជាបានរំលោភសេពសន្ថវ:មកលើឈ្មោះ ទ. ស.អ. ដែលត្រូវជាចៅបង្កើតរបស់ខ្លួនបានចំនួន ០២ដងពិតប្រាកដមែន ។

ក្រោយសាកសួរចប់ សមត្ថកិច្ចបានឃាត់ខ្លួនជនសង្ស័យតាមបញ្ជាឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្តសៀមរាបនៅថ្ងៃទី ០៣ ខែមេសា ឆ្នាំ២០២១ វេលាម៉ោង១៨:០០។

ចំណែកជនរងគ្រោះជាក្មេងកំព្រារស់នៅជាមួយជីតាដែលជាជនសង្ស័យ សមត្ថកិច្ចបានប្រគល់ឲ្យមន្ទីរសង្គមកិច្ចខេត្តសៀមរាប ៕

មតិយោបល់