បាត់ដំបង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី០៦ ខែមេសា ឆ្នាំ២០២១ វេលាម៉ោង១០និង៥៣នាទី នៅចំណុចក្រុមទី១៤ ភូមិក្តុល សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង កម្លាំងក្រុមអន្តរាគមន៍បង្ការបង្ក្រាប នៃស្នងការដ្ឋាននគរបាលខេត្ត បានចុះប្រតិបត្តិការបង្ក្រាបករណីលេងល្បែងស៊ីសងខុសច្បាប់ (ភ្នាល់អាប៉ោង) និងបានធ្វើការនាំខ្លួនអ្នកលេង ចំនួន០៥នាក់។
ក្នុងនោះរួមមាន៖
១.ឈ្មោះ ឡាយ វិត ភេទប្រុស អាយុ ៦០ឆ្នាំ មានទីលំនៅភូមិវត្តលៀប សង្កាត់ចម្ការសំរោង ក្រុងបាត់ដំបង ខេត្តបាត់ដំបង
២.ឈ្មោះ យឹម គុណ ភេទប្រុស អាយុ ៦១ ឆ្នាំ មានទីលំនៅភូមិសុភី២ សង្កាត់រតន: ក្រុងបាត់ដំបង ខេត្តបាត់ដំបង
៣.ឈ្មោះ សាយ មឿន ភេទប្រុស អាយុ ៤០ឆ្នាំ មានទីលំនៅភូមិអូរតាគាំ២ សង្កាត់ទួលតាឯក ក្រុងបាត់ដំបង ខេត្តបាត់ដំបង ៤.ឈ្មោះ មឿន វើន ភេទប្រុស អាយុ ៥២ឆ្នាំ មានទីលំនៅភូមិក្តុល សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង
៥.ឈ្មោះ ឱ ជា ភេទប្រុស អាយុ ៥៩ឆ្នាំ មានទីលំនៅភូមិផ្កាស្លា សង្កាត់ចម្ការសំរោង ក្រុងបាត់ដំបង ខេត្តបាត់ដំបង។
ជាលទ្ធផលសមត្ថកិច្ចបានធ្វើការដកហូតវត្ថុតាង ការ៉ុងសម្រាប់ក្រាលចាក់អាប៉ោង ០១ កន្ទេលសម្រាប់ក្រាលចាក់អាប៉ោង ០១ ធុងជ័រដាក់ដីសម្រាប់ទ្រចានបាញ់អាប៉ោង ០១ ចានសម្រាប់បាញ់អាប៉ោង ០១ និងផ្តិលជ័រសម្រាប់គ្របអាប៉ោង ០១ ។
ករណីនេះ សមត្ថកិច្ចជំនាញបានកសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការបន្តតាមនីតិវិធីផ្លូវច្បាប់ ៕
មតិយោបល់