ផ្ទះ ព័ត៌មានជាតិ រថយន្ត​សាំង​យ...

រថយន្ត​សាំង​យ៉ុ​ង​បែក​កង់​រេ​ចង្កូត​ទៅ​បុកឡាន​កុងតឺន័រ​ រង​របួសមនុស្ស ​២​នាក់​ នៅ​ស្រុកស្រែ​អំបិល​

0

​កោះកុង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា គ្រោះថ្នាក់​ចរាចរណ៍​រវាង​រថយន្ត​២​គ្រឿង​ បាន​បង្ក​ឲ្យ​មាន​មនុស្ស​២​នាក់​រង​របួស​ ដែល​ករណី​នេះ​កើតឡើង​នៅ​នៅ​ចំណុច​លើ​កំណាត់​ផ្លូវជាតិ​លេខ​៤​ ចន្លោះ​បង្គោលគីឡូម៉ែត្រ​លេខ​ 149-150​ ស្ថិត​ក្នុងភូមិ​អូរ​ជ្រៅ​ ឃុំ​បឹង​ព្រាវ​ ស្រុកស្រែ​អំបិល​ ខេត្តកោះកុង​ វេលា​ម៉ោង​៦​និង​០០​នាទី​ព្រឹក​ ថ្ងៃ​ទី​២៣​ ខែមេសា​ ឆ្នាំ​២០២១​ ។​

​សមត្ថកិច្ច​បាន​ឲ្យ​ដឹង​ថា​ រថយន្ត​ទី​១​ម៉ាក​​ហ៊ី​យ៉ា​ន់​ដាយ​ ប្រភេទ​កុងតឺន័រ​ ពាក់​ស្លាក​លេខ​ ភ្នំពេញ​ 3A-2002​ អ្នកបើកបរ​ (​បាន​រត់គេច​ខ្លួន​បាត់​)​ និង​រថយន្ត​ទី​២​ម៉ាក​សាំង​យ៉ុ​ង​ ពណ៌​ស​ ពាក់​ស្លាក​លេខ​ ភ្នំពេញ​ 2M-8096​ បើកបរ​ដោយ​​ឈ្មោះ​ កៅ​ ព្រំ​ភេទ​ប្រុស​ អាយុ​៣៩​ឆ្នាំ​ (​រង​របួស​ (​ស្រាល​)​ និង​អ្នក​រួម​ដំណើរ​ ឈ្មោះ​ ឈឿ​ន​ សា​អែម​ ភេទ​ស្រី​ អាយុ​៤៩​ឆ្នាំ​ រង​របួស​បាក់ដៃ​ម្ខាង​ ។​ អ្នក​ទាំង​២​មាន​ទីលំនៅ​ភូមិ​កំពង់ត្រាច​ទី​២​ ឃុំ​កំពង់ត្រាច​ខាងលិច​ ស្រុក​កំពង់ត្រាច​ខេត្តកំពត​ ។​

​មូលហេតុ​នៃ​គ្រោះថ្នាក់​ចរាចរណ៍​ខាងលើ​នេះ​ ដោយសារ​រថយន្ត​ម៉ាក​សាំង​ យ៉ុ​ង​បែក​កង់​ក្រោយ​ផ្នែក​ខាងស្ដាំ​ ហើយ​រេ​ចង្កូត​ចូល​ទៅ​ខាង​រថយន្ដ​កុងតឺន័រ​ប៉ះទង្គិច​គ្នា​តែ​ម្ដង​ ៕

​បច្ចុប្បន្ន​ រថយន្ត​ទាំង​ពីរ​គ្រឿង​ កម្លាំង​សមត្ថកិច្ច​ជំនាញ​យក​មក​រក្សា​ទុក​នៅ​អធិការដ្ឋាន​នគរបាល​ស្រុកស្រែ​អំបិល​ ដើម្បី​ដោះស្រាយ​តាម​នីតិវិធី​ ៕

មតិយោបល់