សម្រស់អាចចាត់ទុកថាជាអាទិភាពទីមួយសម្រាប់តារាល្បីៗ មិនថាតារានៅក្នុងស្រុក ឬក្រៅស្រុកឡើយ ព្រោះវាអាចជួយឲ្យអាជីបរបស់ពួកគេឆាប់ទទួលបានជោគជ័យ។ មូលហេតុនេះហើយទើបតារាជាច្រើន ខំប្រឹងស្វះស្វែងរកផលិតផលផ្សេងៗមកជំនួយ ដើម្បីរក្សាសម្រស្រស់ឲ្យនៅស្រស់ស្អាតក្មេងជាងវ័យ។ យ៉ាងណាម៉ិញដូចជាតារាសំដែងដ៏ល្បីល្បាញរបស់ចិន គឺនាង Fan BingBing ដែលមានវ័យ ៣២ ឆ្នាំទៅហើយ ប៉ុន្តែនៅតែមានសម្រស់ស្រស់ស្អាតដដែល។ នេះដោយសារតែនាងមានអាថ៌កំបាំងផ្ទាល់ខ្លួន ៥ យ៉ាង ដែលអាចថែរក្សាស្បែក និងសក់ឲ្យមានសភាពស្រស់ស្អាតជានិច្ច។ តើលោកអ្នកចង់ដឹងពីអាថ៌កំបាំងនៃការថែរក្សាសម្រស់របស់នាងដែរ ឬទេ?
១. ប្រើប្រាស់ស្រូវសាលីសម្រាប់ថែរក្សាស្បែក
នេះគឺជាអាថ៌កំបាំងមួយរបស់ Fan BingBing ដើម្បីទទួលបានស្បែកស្រស់ថ្លា ជាមួយនឹងការប្រើប្រាស់ស្រូវសាលីដែលសម្បូរទៅដោយសារធាតុរ៉ែ វីតាមីន និងជាតិសសៃ។ ស្រូវសាលីមិនត្រឹមតែធ្វើឲ្យមានសុខភាពល្អនោះទេ សារធាតុចិញ្ចឹមនៅរបស់វាអាចជួយប្រឆាំងនឹងភាពចាស់, រំពោចរាងកាយដើម្បីបញ្ចេញនូវជាតិពុលចេញមកក្រៅ, ធ្វើឲ្យស្បែកមានសុខភាពល្អ។
២. ត្រាំទឹកដោះគោ
នេះគឺជាវិធីសាស្ត្រដ៏ល្អ ដែលអាចជួយឲ្យស្បែកស្រូបយកសារធាតុចិញ្ចឹមបានគ្រប់គ្រាន់។ នៅក្នុងទឹកដោះគោមានជាតិអាស៊ីតច្រើន (ជាពិសេសអាស៊ីត ឡាក់តិច) ដែលអាចរំលាយសារធាតុដែលបិទបាំងកោសិកាងាប់នៅស្បែក ដូច្នេះទឹកស្រស់គឺជាសារធាតុដែលមានសុវត្ថិភាព និងល្អបំផុតសម្រាប់ស្បែក។ ទឹកដោះគោក៏អាចជួយការពារស្បែកឲ្យជៀសផុតពីបញ្ហាផ្សេងៗ ជាពិសេសគឺស្រូបយកប្រូតែអ៊ីន និងរ៉ែដល់សម្បូរបែប។
៣. ការថែរក្សាសក់ជាមួយនឹងស្រាបៀរ
ជាមួយនឹងសក់ពណ៌ខ្មៅដ៏វែង នាង Fan BingBing តែងតែអនុវត្តវិធីសាស្ត្រថែទាំងសក់របស់ខ្លួនជាមួយនឹងស្រាបៀរ មួយដងក្នុងមួយសប្តាហ៍ដើម្បីទទួលបានសក់ភ្លឺរលោង។
នៅពេលដែលលោកអ្នកប្រើប្រាស់ស្រាបៀរធ្វើជាសាប៊ូកក់សក់ សារធម្មជាតិនៅក្នុងស្របៀរ នឹងជ្រាបចូលទៅចិញ្ចឹមសសៃសក់។ ក្រៅពីវីតាមីន B ជាតិប្រូតេអ៊ីនដែលមាននៅក្នុងស្រាបៀរមានមុខងារដើម្បីស្តារសក់ខូច និងលើកម្ពស់យន្តការអភិវឌ្ឍន៍រួមគ្នា។ ម្យ៉ាងវិញទៀត ជាតិ maltose និងជាតិស្ករនៅក្នុងស្រាបៀរអាចជ្រាបចូលដល់គល់សក់ធ្វើឲ្យមានភាពភ្លឺរលោង។
៤. ការពារពីពន្លឺព្រះអាទិត្យ
ដោយសារតែជីវិតនៃការងាររបស់នាង ជាញឹកញាប់ត្រូវធ្វើការក្រោមពន្លឺថ្ងៃ ដូច្នេះ Fan BingBing តែងតែទទូឆ័ត្រដើម្បីការពារស្បែក រួមទាំងការប្រើក្រែមការពារកម្តៅថ្ងៃមុនពេលចេញទៅក្រៅ ៣០ នាទី។ បន្ទាប់ពីរយៈពេល ២ ទៅ ៣ ម៉ោងត្រូវលាបជាថ្មីម្តងទៀត ដើម្បីធានាដល់ស្រទាប់ការពាររបស់ស្បែក។ ក្រៅពីនេះ Fan BingBing បាននិយាយថា នាងផឹកទឹកច្រើនណាស់ក្នុងថ្ងៃៗ ដើម្បីផ្តល់នូវសំណើមដល់ស្បែកយ៉ាងជ្រៅ។
៥. ការគេងគ្រប់គ្រាន់
Fan BingBing តែងតែទម្លាប់គេងរយៈពេល ៨ ម៉ោងក្នុងមួយថ្ងៃ។ នាងបានសារភាពថា នាងតែងតែគេងជាមធ្យម ៣ ទៅ ៤ ម៉ោង នៅពេលថតរឿង ដោយមិនដែលអាក់ខាន ឬតិចជាងរយៈពេលប៉ុន្មានម៉ោងនេះ។ ការគេងបានគ្រប់គ្រាន់នេះហើយធ្វើឲ្យនាងមានអារម្មណ៍ស្រស់ស្រាយ និងមានរាងកាយស្រស់ថ្លាគ្រប់ពេលវេលា៕
https://i1272.photobucket.com/albums/y389/domneng/FanBingbingimage1600x1200_zps2dc87d25.jpg
មតិយោបល់