បន្ទាយមានជយ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា លោកតាវ័យ៧១ឆ្នាំម្នាក់ បានបាត់ពីផ្ទះមួយយប់ លុះព្រឹកឡើងត្រូវបានគេឃើញសពនៅជិតចង្កេះភ្នំ កន្លែងកាយថ្ម ។ ហេតុការណ៍នេះបង្កឲ្យមានការភ្ញាក់ផ្អើល នៅវេលាម៉ោង៥និង៣០នាទីព្រឹកថ្ងៃទី០៧ខែមិថុនា ឆ្នាំ ២០២១ នៅភូមិនៅភូមិភ្នំធំជើង ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ ។
លោកវរសេនីយ៍ឯក ស៊ិន ណារ៉ាក់ អធិការនគរបាល ស្រុកមង្គលបូរី បានឲ្យដឹងថា ជនរងគ្រោះ ឈ្មោះ ទៀង រ៉ុម ភេទប្រុស អាយុ៧១ឆ្នាំ នៅភូមិនៅភូមិភ្នំធំជើង ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ ។
លោកអធិការបានបញ្ជាក់ទៀតថា តាមការឲ្យដឹងពីក្រុមគ្រួសារជនរងគ្រោះគាត់កើតជំងឺវង្វេងស្មារតី ហើយតែងតែដើរឡើងលើភ្នំធំនេះជាញឹកញាប់ ។ មុនថ្ងៃកើតហេតុជនរងគ្រោះបានបាត់ពីផ្ទះ ០១យប់ លុះព្រឹកវេលាម៉ោង០៥និង៣០នាទីព្រឹក ថ្ងៃទី០៧ ខែមិថុនា ឆ្នាំ២០២១ ទើបមានគេប្រទះឃើញសាកសព ។
បន្ទាប់មកលោកបានបង្កើតក្រុមការងារដែលមាន នគរបាលជំនាញបច្ចេកទេសវិទ្យាសាស្ត្រអធិការដ្ឋាននគរបាល ស្រុក នគរបាលប៉ុស្តិ៍ បុគ្គលិកបណ្ឌលសុខភាពឃុំ មេភូមិ ដើម្បីធ្វើកោសល្យវិច្ច័យលើសព ឃើញមានស្នាមដាច់រលត់ជាច្រើនកន្លង តែពុំពាក់ព័ន្ធនឹងអំពើឃាតកម្មឡើយ ។
តាមការសន្និដ្ឋានរបស់គ្រូពេទ្យជនរងគ្រោះស្លាប់ គឺធ្លាក់ពីលើទីខ្ពស់មកទីទៀបមកប៉ះចំថ្ម(លើភ្នំ)ប្រហែលកម្ពស់៤០ម៉ែត្រ រួចបានសពជនរងគ្រោះត្រូវបានប្រគល់ជូនក្រុមការងាររៀបចំធ្វើបុណ្យតាមប្រពៃណី ៕
មតិយោបល់