ភ្នំពេញ: នៅថ្ងៃទី១៤ ខែមិថុនា ឆ្នាំ២០២១ វេលាម៉ោង១១និង០០នាទី កម្លាំងគណ:បញ្ជាការឯកភាពសង្កាត់ព្រែកថ្មី ដឹកនាំដោយលោក លីវ វណ្ណថេង ចៅសង្កាត់ និងលោកវរសេនីយ៍ត្រី ម៉ៅ ស៊ីវន នាយប៉ុស្តិ៍ បានចុះបង្ក្រាបទីតាំង ប្រមូលផ្តុំគ្នាលេងល្បែងស៊ីសង ចាក់ភ្នាល់ជល់មាន់ តាមប្រព័ន្ធអ៊ីនធឺណេត ដោយមិនគោរពការអនុវត្តវិធានការ រដ្ឋបាលរបស់ក្រសួងសុខាភិបាល នៅចំណុចដីឡូត៍គ្មានលេខ ផ្លូវលំ ភូមិកោះក្របី សង្កាត់ព្រែកថ្មី ខណ្ឌច្បារអំពៅ ។

ដកហូតវត្ថុតាងរួមមាន៖ ទូរទស្សន៍ ០១ គ្រឿង, ក្បាលសម្រាប់ចាក់០១គ្រឿង និងម៉ូតូ២១គ្រឿង បញ្ជូនទៅរក្សាទុកនៅទីស្នាក់ការប៉ុស្តិ៍ព្រែកថ្មី ដើម្បីចាត់ការអនុវត្តបន្តតាមនីតិវិធីច្បាប់ ។

ចំណែកម្ចាស់ទីតាំង និងអ្នកលេងនាំគ្នារត់គេចខ្លួនបាត់អស់ នៅពេលសមត្ថកិច្ចចុះទៅដល់ ៕