-

ជនសង្ស័យ ២នាក់ ត្រូវសមត្ថកិច្ចឃាត់ខ្លួន ករណីឆក់កាបូប បណ្ដាលឲ្យជនរងគ្រោះធ្លាក់ពីលើម៉ូតូកង់បីរងរបួសធ្ងន់

ភ្នំពេញ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅ​ថ្ងៃ​ទី​២៤​ ខែមិថុនា​ ឆ្នាំ​២០២១​ វេលា​ម៉ោង​ប្រហែល​ ០៤​និង​៣០​នាទី​ទៀប​ភ្លឺ​ កម្លាំង​របស់​ប៉ុស្តិ៍​នគរបាល​រដ្ឋបាល​ទឹកល្អក់​ទី​៣​ នៃ​អធិការដ្ឋាន​នគរបាល​ខណ្ឌទួលគោក​ បាន​ធ្វើការ​បង្ក្រាប​ឃាត់ខ្លួន​ជនសង្ស័យ​០២​នាក់​ជាក់ស្ដែង​ ពី​ បទ​លួច​មាន​ស្ថាន​ទម្ងន់ទោស​ដោយសារ​ការ​ប្រើអំពើ​ហិង្សា​ (​ឆក់​កាបូបស្ពាយ​បណ្ដាល​ឲ្យ​ជន​រង​គ្រោះ​ ធ្លាក់​ពីលើ​ម៉ូតូ​រ៉ឺ​ម៉ក​កង់​បី​រង​របួស​បែក​ចុង​ចិញ្ចើម​ឆ្វេង​របួសធ្ងន់​)​ ប្រព្រឹត្ត​នៅ​ចំណុច​មុខ​ផ្ទះ​លេខ​២៧២​ ផ្លូវ​លេខ​១៨២​ ក្រុម​ទី​១០​ ភូមិ​៤​ សង្កាត់​ទឹកល្អក់​ ទី​៣​ ខណ្ឌទួលគោក​ រាជធានី​ភ្នំពេញ​។​

​ជនសង្ស័យ​រួម​មាន​ ៖​
១-​ឈ្មោះ​ វណ្ណ​ សុ​ភ័ក្ត្រ​ ហៅ​ ដា​ ភេទ​ប្រុស​ អាយុ​៣៧​ឆ្នាំ​ ជនជាតិ​ខ្មែរ​ មុខរបរ​ មិន​ពិតប្រាកដ​ ស្នាក់​នៅផ្ទះ​ជួល​ ផ្លូវ​លេខ​២៨៩​ សង្កាត់​បឹង​កក់​ទី​២​ ខណ្ឌទួលគោក​ រាជធានី​ភ្នំពេញ​ ។​
២-​ឈ្មោះ​ ជា​ ពិសាល​ ហៅ​ ពឹង​ ភេទ​ប្រុស​ អាយុ ៣៨​ឆ្នាំ​ ជនជាតិ​ខ្មែរ​ មុខរបរ​ មិន​ពិតប្រាកដ​ ស្នាក់​នៅផ្ទះ​ជួល​ ផ្លូវ​បេតុង​ សង្កាត់​ភ្នំពេញ​ថ្មី​ ខណ្ឌ​សែន​សុខ​ រាជធានី​ភ្នំពេញ​ ។​

​វត្ថុ​តាង​ចាប់​យក​មាន​៖​ ម៉ូតូ​០១​គ្រឿង​ម៉ាក​ Suzuki​ Sirius​ ពណ៌​ក្រហម​ លាយ​ខ្មៅ​ ពាក់​ស្លាក​លេខ​ ភ្នំពេញ​ 1CW-9836​ (​ជា​របស់​ជនសង្ស័យ​ជិះ​ធ្វើ​សកម្មភាព​ឆក់​ )​ ចាប់​យក​ពី​ឈ្មោះ​ ជា​ ពិសាល​ និង​កាបូបស្ពាយ​មួយ​ពណ៌​ខ្មៅ​ ក្នុង​កាបូប​មាន​ :​ លុយ​ខ្មែរ​ ២០៧.០០០៛​ (​ម្ភៃ​ម៉ឺន​ប្រាំពីរ​ពាន់​)​ ,​ អត្តសញ្ញាណប័ណ្ណ​សញ្ជាតិ​ខ្មែរ​ពីរ​សន្លឹក​ ,​ ប័ណ្ណ​ចាក់​វ៉ាក់សាំង​ការពារ​ជំងឺ​កូ​វី​ដ​-១៩​មួយ​ និង​ទូរស័ព្ទ​ដៃ​០១​គ្រឿង​ម៉ាក​ OPPO​ S7​ ពណ៌​ខ្មៅ​ ប្រើប្រាស់​ស៊ី​ម​ :​ 090​ 486026​ (​ជា​របស់​ជន​រង​គ្រោះ​ដែល​ជនសង្ស័យ​ខាងលើ​ឆក់​យក​)​ ចាប់​យក​ពី​ឈ្មោះ​ វណ្ណ​ សុ​ភ័ក្ត្រ​ )​ ។​

​ជន​រង​គ្រោះ​ឈ្មោះ​ កុយ​ ណាត​ ភេទ​ស្រី​ អាយុ​៤៣​ឆ្នាំ​ ជនជាតិ​ខ្មែរ​ មុខរបរ​ លក់​ផ្លែ​ឈើ​នៅ​ផ្លូវ​លេខ​២០០២​ ស្នាក់​នៅផ្ទះ​ជួល​លេខ​២៥៨​ ផ្លូវ​លេខ​២០០២​ ភូមិ​បូ​រី​កម្មករ​ សង្កាត់​អូរ​បែក​ក្អម​ ខណ្ឌ​សែន​សុខ​ រាជធានី​ភ្នំពេញ​ ។​ ជន​រង​គ្រោះ​រង​របួស​បែក​ចុង​ចិញ្ចើម​ខាងឆ្វេង​ (​ដោយសារ​ជនសង្ស័យ​ទាំង​ពីរ​នាក់​ខាងលើ​ ឆក់​បណ្ដាល​ឲ្យ​ធ្លាក់​ ពីលើ​ម៉ូតូ​រ៉ឺ​កង់​បី​របួសធ្ងន់​)​ ។​

​បច្ចុប្បន្ន​ជនសង្ស័យ​ខាងលើ​ កំពុង​ឃាត់ខ្លួន​ជា​បណ្ដោះអាសន្ន​នៅ​ អធិការដ្ឋាន​នគរបាល​ខណ្ឌទួលគោក​ ដើម្បី​ធ្វើការ​សាកសួរ​ និង​បញ្ជូន​សំណុំរឿង​ទៅ​កាន់​ អយ្យការ​អម​សាលាដំបូង​រាជធានី​ភ្នំពេញ​ ចាត់ការ​តាម​នីតិវិធី​៕

មតិយោបល់