រថយន្តបុកម៉ូតូរ៉ឺម៉កពេញទំហឹង បណ្ដាលឲ្យរងរបួសមនុស្ស ២នាក់

បន្ទាយមានជ័យ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា រថយន្ត​ FORD​ RAPTOR​ បុក​ជាមួយ​ម៉ូតូ​សណ្តោង​រ៉ឺ​ម៉​ដឹក​ក្នុង​ទិស​ដៅ​ស្រប​ទិស​គ្នា​ បណ្តាល​ឲ្យ​រងរ​ បួស​ធ្ងន់​ម្នាក់​ និង​ស្រាល​ម្នាក់​។​ ហេតុការណ៍​ គ្រោះថ្នាក់​ ចរាចរណ៍​ នេះ​បាន​កើតឡើង​នៅ​វេលា​ម៉ោង​ ១១​និង​១៨​នាទី​ ថ្ងៃ​ទី​៥​ ខែកក្កដា​ ឆ្នាំ​ ២០២១​ នៅ​លើ​ផ្លូវជាតិ​លេខ​៦​ ខាងកើត​បង្គោលគីឡូម៉ែត្រ​៨០៤​ ស្ថិត​នៅ​ភូមិ​សាលា​ក្រៅ​ សង្កាត់​ភ្នៀ​ត​ ក្រុង​សិរី​សោភ័ណ​ ខេត្តបន្ទាយមានជ័យ​។​

​សមត្ថកិច្ច​ មូលដ្ឋាន​ បាន​ឲ្យ​ដឹង​ថា​ ៖​ ករណី​គ្រោះថ្នាក់​ចរាចរណ៍​មួយ​បាន​កើតឡើង​រវាង​រថយន្ត​បុក​ម៉ូតូ​សណ្តោង​រ៉ឺ​ម៉ក​ ទិស​ដៅ​ស្របគ្នា​ ពី​កើត​ ទៅ​លិច​ បណ្តាល​ឲ្យ​អ្នកបើកបរ​ម៉ូតូ​របួសធ្ងន់​ម្នាក់​ (​ប្រុស​)​ រង​របួស​ជើង​ និង​ស្រាល​ម្នាក់​(​ប្រុស​)​ ត្រូវ​បាន​កម្លាំង​នគរបាល​ដឹក​យក​ទៅ​សង្គ្រោះ​នៅ​មន្ទី​ពេទ្យ​បង្អែក​ក្រុង​សិរី​សោភ័ណ​។​

​តាម​ការ​បញ្ជាក់​សមត្ថកិច្ច​ បាន​ឲ្យ​ដឹង​ថា​ ៖​ ចំពោះ​មូលហេតុ​បណ្តាល​ឲ្យ​កើត​មាន​គ្រោះថ្នាក់​ចរាចរណ៍​នេះ​បណ្តាល​មក​ពី​ ម៉ូតូ​សណ្តោង​រ៉ឺ​ម៉ក​ប្តូរ​គន្លង​បត់​ឆ្វេង​ខ្វះ​ការ​ប្រុង​ប្រយ័ត្ន​ ស្រប​ពេល​នោះ​ក៏​មាន​រថយន្ត​ FORD​ RAPTOR​ ពាក់​ស្លាក​លេខ​ ភ្នំពេញ​ 2BK​ 9507​ បើកបរ​ក្នុង​ល្បឿន​លឿន​ ត្រង់​ចំណុច​ផ្លូវបំបែក​ជា​បួន​ (​ចំនុច​កើតហេតុ​)​ ក៏​បាន​បុក​ម៉ូតូ​ពេញទំហឹង​តែ​ម្តង​។​

​ចំពោះ​មធ្យោបាយ​ ម៉ូតូ​សណ្តោង​រ៉ឺ​ម៉ក​ និង​រថយន្ត​ខូច​ធ្ងន់ធ្ងរ​ ត្រូវ​បាន​កម្លាំង​សមត្ថកិច្ច​ យក​មក​រក្សា​ទុក​នៅ​អធិការដ្ឋាន​នគរបាល​ក្រុង​សិរី​សោភ័ណ​ ដើម្បី​ដោះស្រាយ​តាម​ផ្លូវច្បាប់​៕​

មតិយោបល់