បាត់ដំបង: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា ដោយអនុវត្តតាមបទបញ្ជារបស់លោកឧត្ដមសេនីយ៍ទោ សាត គឹមសាន ស្នងការនគរបាលខេត្តបាត់ដំបងជាប់ជាប្រចាំ ក៏ដូចជាការណែនាំរបស់លោកឧត្តមសេនីយ៍ត្រី កុយ ហៀង ស្នង
ការរងផែនការងារប្រឆាំងគ្រឿងញៀន នៅថ្ងៃសុក្រ ទី៣០ ខែកក្កដា ឆ្នាំ២០២១ វេលាម៉ោង១០.៥០នាទី លោកវរសេនីយ៍ទោ សេង លុច អធិការនគរបាលស្រុកថ្មគោល បានដឹកនាំកម្លាំងជំនាញប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលតាម៉ឺន,តាពូង និងកម្លាំងប៉ុស្តិ៍នគរបាលរដ្ឋបាលគោកឃ្មុំ នៃអធិការដ្ឋាននគរបាលស្រុកថ្មគោល ចុះបង្រ្កាបមុខសញ្ញាប្រើប្រាស់គ្រឿងញៀន ហាមឃាត់ខុសច្បាប់ ១ករណី ក្នុងបទល្មើសជាក់ស្តែង នៅចំណុចក្រុមទី០២ ភូមិទំពូងជើង ឃុំតាម៉ឺន ស្រុកថ្មគោល ខេត្តបាត់ដំបង។
សមត្ថកិច្ចយើងបានឃាត់ខ្លួនជនសង្ស័យ៤នាក់ មានឈ្មោះដូចខាងក្រោម៖
១.ឈ្មោះ ជឿន សាវឿង ភេទប្រុស អាយុ ២៥ឆ្នាំ មានទីលំនៅភូមិទំពូងត្បូង ឃុំតាពូង ស្រុកថ្មគោល ខេត្តបាត់ដំបង។
២.ឈ្មោះ ឈួន តឿ ភេទប្រុស អាយុ ២០ឆ្នាំ មានទីលំនៅភូមិទំពូងជើង ឃុំតាម៉ឺន ស្រុកថ្មគោល ខេត្តបាត់ដំបង។
៣.ឈ្មោះ ភិន ផូ ភេទប្រុស អាយុ ៣៤ឆ្នាំ មានទីលំនៅភូមិទំពូងត្បូង ឃុំតាពូង ស្រុកថ្មគោល ខេត្តបាត់ដំបង។
៤.ឈ្មោះ កាន សឿ ភេទប្រុស អាយុ ១៩ឆ្នាំ មានទីលំនៅភូមិទំពូងជើង ឃុំតាម៉ឺន ស្រុកថ្មគោល ខេត្តបាត់ដំបង។
វត្ថុតាងចាប់យកបានរួមមានអំពូលទែម៉ូម៉ែត្រ ចំនួន១, ទូរសព្ទ័ដៃ ចំនួន១គ្រឿង, កាំបិតកែច្នៃ ចំនួន៤ដើម និងម៉ូតូ៣គ្រឿង។
សមត្ថកិច្ចជំនាញបានធ្វើការអប់រំ និងធ្វើកិច្ចសន្យា ហើយប្រគល់ឲ្យអាណាព្យាបាលយកទៅអប់រំបន្ត៕
មតិយោបល់