ភ្នំពេញ: នៅវេលាម៉ោង១០និង២០ នាទីព្រឹកថ្ងៃពុធ ២រោច ខែស្រាពណ៍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២៥ ខែសីហា ឆ្នាំ២០២១ មានករណីអគ្គិភ័យមួយកន្លែងកើតឡើង នៅចំណុចមន្ទីរពហុព្យាបាល សុខ លាភ មេត្រី ផ្ទះលេខ៤៧D ផ្លូវលេខ៣៦០ ភូមិ១ ក្រុម៤ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។

ម្ចាស់ឈ្មោះ សុខ វិសាលគន្ធ ភេទប្រុស អាយុ ២៥ ឆ្នាំ មុខរបរម្ចាស់គ្លីនិក ។ ប្រភេទសំណង់: ថ្មបេតុង ទំហំ ១២ម៉ែត្រ x ២០ម៉ែត្រ ។
ខូចខាតសម្ភារ:៖ ឆេះបន្ទប់ ទំហំ៣ម៉ែត្រ×៣ម៉ែត្រ ខូចខាតម៉ាស៊ីនត្រជាក់ តុទូដាក់សម្ភារ:ប្រើប្រាស់មួយចំនួន នឹងពុំបណ្ដាលឲ្យឆេះរាលដាលដល់ផ្ទះអ្នកជិតខាងឡើយ ។

មូលហេតុ៖ ឆ្លងចរន្តអគ្គិសនីនៅបន្ទប់វះកាត់តូច ។ ករណីនេះមិនមានមនុស្សស្លាប់ឬក៏រងរបួសនោះទេ ។

កម្លាំងសមត្ថកិច្ចចេញរថយន្តការិយាល័យអគ្គិភ័យចំនួន០៥ គ្រឿង ប្រើប្រាស់ទឹក ចំនួន០៥ ឡាន ស្មើនឹង២០ម៉ែត្រគូប ,រថយន្តជំនួយក្រសួងមហាផ្ទៃ ចំនួន០២គ្រឿង ពុំបាន ប្រើប្រាស់ទឹក ។ ពន្លត់ចប់នៅវេលាម៉ោង១០និង៥០ នាទីព្រឹក នាថ្ងៃខែឆ្នាំដដែល ៕