តាមប្រភពព័ត៌មាន របស់ឥណ្ឌាមួយ ដែលចុះផ្សាយនៅថ្ងៃទី ២៥ ខែតុលា ឆ្នាំ ២០១៣ បានឲ្យដឹងថា បន្ទាប់ពីបានឭសម្លេងក្មេងយំ Afroza Bibi បានដឹងខ្លួនថានាងបានធ្វើឲ្យធ្លាក់ទារកដែលទើបនឹងកើតតាមបំពងបង្គន់។ ការធ្លាក់ពីលើរថភ្លើងដែលកំពុងធ្វើដំណើរគឺជារឿងគ្រោះថ្នាក់បំផុតសម្រាប់មនុស្សគ្រប់រូប តែចំពោះទារកនេះវិញគ្មានស្នាកស្នាមបន្តិចសោះ។ អភូតហេតុដ៏អស្ចារ្យនេះបានកើតឡើងនៅតំបន់មួយក្នុងរដ្ឋ West Bengal នៃប្រទេសឥណ្ឌា ហើយត្រូវបានគេដឹងថាស្ត្រីជាម្តាយឈ្មោះ Afroza Bibi ដែលរស់នៅក្នុងភូមិ Jhumka នៃទីក្រុង Murshidabad បានធ្វើដំណើរតាមរថភ្លើងមួយនេះ។
នៅល្ងាម៉ោង ៦ និង ៣០ នាទី Afroza បានធ្វើឲ្យកូនស្រីរបស់ខ្លួនធ្លាក់ចុះដោយមិនបានប្រុងប្រយត្ន័ ខណៈដែលដាក់នៅលើក្តារបង្គន់។ បន្ទាប់ពីមានហេតុការណ៍កើតឡើងភ្លាមៗ Afroza បានដើរយំសូមរកជំនួយពីអ្នកដំណើរផ្សេងទៀត ប៉ុន្តែសំណាងល្អទារកនោះត្រូវបានរួចផុតពីគ្រោះថ្នាក់បន្ទាប់ពីមានការជួយសង្គ្រោះពីអ្នកដំណើរជាមួយគ្នា។ ភ្លាមៗនោះផងដែលម្តាយនិងកូនទាំងពីរត្រូវបានបញ្ចូលទៅមន្ទីរពេទ្យដើម្បីធ្វើការពិនិត្យសុខភាព លោកវេជ្ជបណ្ខិតដែលព្យាបាលឲ្យនាងផ្ទាល់បាននិយាយថា គាត់មានការភ្ញាក់ផ្អើលយ៉ាងខ្លាំងនៅពេលដែលមិនបានឃើញស្នាមរបួសអ្វីបន្តិចសោះទោះបីជាធ្លាក់ពីរថភ្លើងដែលកំពុងតែរត់ក៏ដោយ៕
ព័ត៌មានជាតិ
មតិយោបល់