កម្លាំងគរបាល​ស្រុក​ឯក​ភ្នំ​ស្រាវជ្រាវ​ឃាត់ខ្លួន​បុរស​ម្នាក់​ ពាកព័ន្ធករណី​បង្ក​អំពើ​ហិង្សា​ដោយ​ចេតនា​

​បាត់ដំបង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា អនុវត្ត​តាម​បទបញ្ជា​របស់​លោក​ឧត្ដមសេនីយ៍ទោ​ សាត​ គឹ​ម​សាន​ ស្នងការ​នៃ​ស្នងការដ្ឋាន​នគរបាល​ខេត្តបាត់ដំបង​ ក៏​ដូច​ជា​យោបល់​របស់​លោក​វរសេនីយ៍ឯក​ លឹ​ម​ ពុ​ទ្ធី​ឡា​ ស្នងការ​រង​ផែន​ការងារ​នគរបាល​ព្រហ្មទណ្ឌ​ និង​ដោយ​បានការ​សម្របសម្រួល​លើ​នីតិវិធី​ពី​ ឯកឧត្តម​ កែវ​ សុ​ជាតិ​ ព្រះរាជអាជ្ញា​ នៃ​អយ្យការ​អម​សាលាដំបូង​ខេត្តបាត់ដំបង​ផង​នោះ​ លោក​វរសេនីយ៍ឯក​ ឡុ​ង​ យោធា​វី​រ:​ អធិការ​នគរបាល​ស្រុក​ឯក​ភ្នំ​ បាន​ធ្វើការ​បង្ក្រាប​ករណី​ហិង្សា​ដោយ​ចេតនា​មាន​ស្ថាន​ទម្ងន់ទោស​ ១​លើក​ នៅ​ថ្ងៃ​ទី​២៧​ ខែសីហា​ ឆ្នាំ​២០២១​ នៅ​ចំណុច​ផ្ទះ​លេខ​៧២​ ក្រុម​ទី​០២​ ភូមិ​សំរោង​ស្នោ ឃុំ​សំរោង​ក្នុង​ ស្រុក​ឯក​ភ្នំ​ ។​

​ក្នុង​កិច្ច​ប្រតិបត្តិការ​នេះ​ សមត្ថកិច្ច​បាន​ឃាត់ខ្លួន​ជន​ដៃដល់​ឈ្មោះ​ រ៉ឹ​ម​ រី​ណា​ ហៅ​ ដា​ ភេទ​ប្រុស​ អាយុ​៣៥​ឆ្នាំ​ រស់នៅ​ក្រុម​ទី​០២​ ភូមិ​សំរោង​ស្នោ​ ឃុំ​សំរោង​ក្នុង​ ស្រុក​ឯក​ភ្នំ​ ពី​បទ​ហិង្សា​ដោយ​ចេតនា​មាន​ស្ថាន​ទម្ងន់ទោស​ ដែល​បាន​ប្រព្រឹត្តិ​កាលពី​ថ្ងៃ​ទី​២៥​ ខែសីហា​ ឆ្នាំ​២០២១​ វេលា​ម៉ោង​១៩​និង​០០​នាទី​ នៅ​ចំណុច​ផ្ទះ​ជន​រង​គ្រោះ​លេខ​៧២​ ក្រុម​ទី​០២​ ភូមិ​សំរោង​ស្នោរ​ ឃុំ​សំរោង​ក្នុង​ ស្រុក​ឯក​ភ្នំ​ ។​

​ជន​រង​គ្រោះ​ឈ្មោះ​ ហែម​ រ៉ុ​ង​ ភេទ​ប្រុស​ អាយុ​៥៤​ឆ្នាំ​ រស់នៅ​ចំណុច​កើតហេតុ​ខាងលើ​ ដោយ​ជនសង្ស័យ​ស្រវឹងស្រា​បាន​យក​ដំបង​ឈើ​ជ្រុង​វាយ​លើ​ជន​រង​គ្រោះ​ បណ្តាល​ឲ្យ​រង​របួស​បែកចេញ​ឈាម​លើ​ផ្ទៃមុខ​ និង​កំ​ពួន​ដៃ​រហូត​ដល់​សន្លប់​បាត់ស្មារតី​នៅ​ហ្នឹង​កន្លែង​កើតហេតុ​ ។​

​ករណី​នេះ​ នគរបាល​ស្រុក​បាន​រៀបចំ​កសាង​សំណុំរឿង​ បញ្ជូន​មក​ការិយាល័យ​ជំនាញ​ នៃ​ស្នងការដ្ឋាន​នគរបាល​ខេត្តបាត់ដំបង​ ដើម្បី​ចាត់ការ​តាម​នីតិវិធី​ ៕

មតិយោបល់