ត្បូងឃ្មុំៈ កាលពីព្រឹក វេលាម៉ោង៧និង៣០នាទី ចំថ្ងៃទី១៧ ខែសីហា ឆ្នាំ២០១៦ មានគ្រោះថ្នាក់ដោយអគ្គីភ័យមួយបានឆាបឆេះផ្ទះ មួយដែលបណ្តាលពីការឆ្លងចរន្តអគ្គិសនី ធ្វើឲ្យមានការភ្ញាក់ផ្អើលក្នុងភូមិខ្សាច់ប្រឆេះក្រោម ឃុំក្រូចឆ្មារ ស្រុកក្រូចឆ្មារ ខេត្តត្បូងឃ្មុំ ។

បើតាមសមត្ថកិច្ចបានឲ្យដឹងថា ម្ចាស់ផ្ទះឈ្មោះ ពូន ឈឿន ភេទប្រុស អាយុ ៥៤ឆ្នាំ ជាតិខ្មែរ រស់នៅភូមិខ្សាច់ប្រឆេះក្រោម ឃុំក្រូចឆ្មារ ស្រុកក្រូចឆ្មារ ខេត្តត្បូងឃ្មុំ មានការទុសេខ្សែភ្លើង និងឆាបឆេះខ្សែភ្លើងក្នុងផ្ទះទាំងអស់ ហើយឆេះពិដានក្នុងផ្ទះ ក្រៅពីនេះពុំមានខូចខាតអ្វីទេ ផ្ទះនោះធ្វើអំពីឈើប្រក់ក្បឿង ទំហំ ៧,៥០គុណ១៥ម៉ែត្រ។

ក្នុងគ្រោះអគ្គីភ័យខាងលើ សមត្ថកិច្ចបានជួយអន្តរាគមន៍ទាន់ពេលវេលា ដោយប្រើប្រាស់រថយន្តពន្លត់អគ្គីភ័យ០១គ្រឿង និងមិនបណ្តាលខូចខាតធ្ងន់ធ្ងរទេ។

សូមបញ្ចាក់ផងដែរថា សមត្ថកិច្ច និងអាជ្ងាធរសូមជូនដំណឹងដល់ប្រជាពលរដ្ឋតាមមូលដ្នានត្រូវមានការប្រុងប្រយ័ត្នឲ្យបានខ្ពស់ក្នុងការរស់នៅដោយប្រើប្រាស់ភ្លើងអគ្គីសនី ដោយខ្លាចមានគ្រោះថ្នាក់ដោយប្រការណាមួយ៕