កណ្ដាលៈ នៅថ្ងៃទី២ ខែតុលា ឆ្នាំ២០២១ វេលាម៉ោង ៥និង០០នាទី (ម៉ោងដឹង)ចំណុចកើតហេតុ ផ្ទះជនរងគ្រោះ ភូមិស្វាយ ឃុំឈ្វាំង ស្រុកពញាឮ ខេត្តកណ្តាល។

ជនរងគ្រោះ ឈ្មោះ ទុយ តាំង ភេទ ប្រុស អាយុ ៨២ឆ្នាំ ជនជាតិ ខ្មែរ មុខរបរ នៅផ្ទះ
ទីលំនៅបច្ចុប្បន្ន ភូមិស្វាយ ឃុំឈ្វាំង ស្រុកពញាឮ ខេត្តកណ្តាល ។

សភាពនៃរឿងហេតុ៖ តាមការបំភ្លឺរបស់ឈ្មោះ ម៉ៃ ណាង ភេទស្រី អាយុ ៦៦ឆ្នាំ ត្រូវជាប្រពន្ធរបស់ជនរងគ្រោះបានបំភ្លឺថា៖
ប្ដីរបស់គាត់ឈ្មោះ ទុយ តាំង អាយុ ៨២ឆ្នាំ តែងតែខឹង និងខ្លួនឯងដែលមានជម្ងឺប្រចាំកាយ និងជាមនុស្សពិការជើងផង ។
លុះដល់ថ្ងៃខែឆ្នាំកើតហតុខាងលើ វេលាម៉ោង ០៥ទៀបភ្លឺ (ម៉ោងដឹង) ឈ្មោះ មៃ ណាង ដែលត្រូវជាប្រពន្ធរបស់ជនរងគ្រោះ ពេលភ្ញាក់ពីដំណេក មិនឃើញប្តីរបស់ខ្លួននៅក្នុងផ្ទះ ក៏ដើរចេញមកក្រៅ បានឃើញប្តីរបស់ខ្លួន ចង.កស្លាប់និងរតឬស្សីរោងឈើ ក្បែរផ្ទះរបស់ខ្លួន ។
បន្ទាប់មកក្រុមគ្រួសារបាននាំគ្នា ស្រាយចំណងលើកសាកសពជនរងគ្រោះដាក់លើគ្រែ រួចក៏បានរាយការណ៍ជូនសមត្ថកិច្ចប៉ុស្តិ៍នគរបាលរដ្ឋបាលឈ្វាំង ក្រោយមកកម្លាំងជំនាញ ផ្នែកពិនិត្យវិភាគកន្លែងកើតហេតុស្រុក បានសហការជាមួយ កម្លាំងប៉ុស្តិ៍នគរបាលរដ្ឋបាលឈ្វាំង និងមានការចូលរួមពី ក្រុមប្រឹក្សាមេឃុំ មេភូមិ គ្រូពេទ្យ ធ្វើការពិនិត្យសាកសព យ៉ាងហ្មត់ចត់ពិនិត្យឃើញថា៖
សាកសព មានស្នាមជាំទ្រុឌស្បែកកាត់ទទឹងក ផ្នែក.កខាងមុខ ព័ទ្ធទៅក្រោយដល់កញ្ចឹងក ប្រវែង ២៤ សង់ទីម៉ែត្រ អណ្ដាតលានចេញក្រៅ ចំពោះដងខ្លួន និងអវៈជីវៈ ពុំមានស្លាកស្នាមអ្វីគួរឲ្យកត់សម្គាល់ឡើយ បន្ទាប់មកក្រុមគ្រូពេទ្យប្រតិកម្មរហ័សប្រយុទ្ធប្រឆាំងជងឺកូវិដ-១៩ ប្រចាំស្រុកពញាឮ បានធ្វើសំណាក រកជំងឺកូវីដ-១៩ លទ្ធផល អវិជ្ជមាន(-) ។

សនិ្នដ្ឋាន៖ សាកសពស្លាប់ដោយសារ ធ្វើអត្តឃាតចង.កសម្លាប់ខ្លួន បណ្តាលឲ្យស្លាប់ ៕