ប៉ៃលិន: យោងតាមផេកផ្សព្វផ្សាយអប់រំ ក្រសួងមហាផ្ទៃបានឲ្យដឹងថាករណីគ្រោះថ្នាក់ចរាចរណ៍រវាងម៉ូតូបុកជាមួយរថយន្ដ បញ្រ្ចាសទិសគ្នា​ នៅចំណុច ភូមិប៉ាហ៊ីជើង សង្កាត់ប៉ៃលិន ក្រុងប៉ៃលិន ខេត្តប៉ៃលិន នៅវេលាម៉ោង ១៥និង៥០នាទី​ ថ្ងៃច័ន្ទ ១៣រោច​ ខែភទ្របទ ឆ្នាំឆ្លូវ ត្រីស័ក ព.ស២៥៦៥ត្រូវនឹងថ្ងៃទី០៤ខែតុលា ឆ្នាំ២០២១ ករណីគ្រោះថ្នាក់ចរាចរណ៍រវាងម៉ូតូបុកជាមួយរថយន្ដ បើកបរបញ្រ្ចាសទិសគ្នា​បណ្ដាលឲ្យរបួសធ្ងន់ចំនួន០២នាក់, ស្រាល ០១នាក់ និងគ្មានរបួស០២នាក់ខូចខាតម៉ូតូធ្ងន់ ចំនួន០១ គ្រឿង និងរថយន្តស្រាល ចំនួន ០១គ្រឿង។

ភាគីបើកបររថយន្តមានឈ្មោះ ញ៉ាន លី ភេទប្រុស អាយុ ៥៤ឆ្នាំ មុខរបរ អ្នកកាសែត រស់នៅភូមិសំពៅលូន ឃុំសាស្ដា ស្រុកសំពៅលូន ខេត្ដបាត់ដំបង បើកបររថយន្ដ ម៉ាក High Lander ស៊េរីឆ្នាំ២០០២ ពណ៌ប៉ៃតងចាស់ ពាក់ស្លាកលេខ (ភ្នំពេញ 2AM-32548) គ្មានរបួស ។
មានអ្នករួមដំណើរម្នាក់ឈ្មោះ បាន ចន្ថា ភេទស្រី អាយុ ៣៦ឆ្នាំ មុខរបរ មេផ្ទះ រស់នៅភូមិផ្សារឃែ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន (គ្មានរបួស) ។

ភាគីបើកបរម៉ូតូមានឈ្មោះ ចាន់ លីណា ភេទស្រី អាយុ ២៩ឆ្នាំ មុខរបរ មេផ្ទះ រស់នៅភូមិទំនប់ ឃុំសាលាក្រៅ ស្រុកសាលាក្រៅ ខេត្តប៉ៃលិន បើកបរម៉តូម៉ាក Honda wave ស៊េរីឆ្នាំ២០១៩ ពណ៌ខ្មៅ ពាក់ស្លាកលេខ (ប៉ៃលិន1C-7678) រងរបួសធ្ងន់ មានអ្នករួមដំណើរ០២នាក់ឈ្មោះ រិន វីរ: ភេទប្រុស អាយុ ០២ឆ្នាំ រងរបួសធ្ងន់ និងឈ្មោះ រិន រ៉ាឌី ភេទស្រី អាយុ ០៣ឆ្នាំ រងរបួសស្រាល ។

ក្រោយពេលសមត្ថកិច្ចបានសាកសួរនាំរួចបានឲដឹងថា មកពីកត្ដាមនុស្សបើកបរដោយ មិនប្រកាន់ស្ដាំ បណ្ដាលឲ្យមានគ្រោះថ្នាក់បែបនេះ។

បច្ចុប្បន្នករណីខាងលើនេះ ជំនាញការិយាល័យនគរបាលចរាចរណ៍ផ្លូវគោក ​នៃស្នងការដ្ឋា​ននគរបាលខេត្តប៉ៃលិន បានដកហូតម៉ូតូនិងរថយន្ត យកមករក្សាទុកនៅការិយាល័យនគរបាលចរាចណ៍ផ្លូវគោក រង់ចាំការដោះស្រាយទៅតាមនីតិវិធី៕