ព័ត៌មានជាតិ

ជនសង្ស័យម្នាក់ត្រូវសមត្ថកិច្ចឃាត់ខ្លួន ករណីហិង្សា ដេញកាប់ថៅកែម្នាក់ នៅក្រុងតាខ្មៅ

កណ្ដាល: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា នៅថ្ងៃសុក្រ ៨រោច ខែអស្សុជ ឆ្នាំឆ្លូវ ត្រីស័ក ព. ស ២៥៦៥ត្រូវនិងថ្ងៃទី២៩ ខែតុលាឆ្នាំ២០២១ ករណីហិង្សាដោយចេតនាវេលាម៉ោង​ ១៣និង៣០នាទីចំណុចឃ្លាំងក្រណាត់របស់ជនរងគ្រោះភូមិ​​ខ្ពបវែង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល។

ជនរងគ្រោះឈ្មោះ​ ឈួន ខន ភេទ​ប្រុស អាយុ​ ៦៥ឆ្នាំ ខ្មែរទីលំនៅភូមិ​ខ្ពបវែង សង្កាត់កំពង់សំណាញ់ ក្រុងតាខ្មៅ ខេត្តកណ្តាល មុខរបរលក់ដូរ(រងរបួសរលាត់ក្បាលជង្គង់ខាងស្តាំ)។
ជនសង្ស័យឈ្មោះ​ ឃុន មករា ហៅយ៉ា ភេទប្រុស​ អាយុ​ ៣៦ឆ្នាំ ទីលំនៅភូមិ​ព្រែករាំង សង្កាត់កំពង់សំណាញ់ ក្រុងតាខ្មៅខេត្តកណ្តាល មុខរបរ​មិនពិតប្រាកដ (ឃាត់​ខ្លួន​) ។

វត្ថុតាងចាប់យក៖ កាំបិតប៉័ងដងឈើចំនួន១ប្រវែង២៩ស.ម(របស់ជនសង្ស័យ)។

នៅវេលាកើតហេតុខាងលើ ពេលដែលជនរងគ្រោះកំពុងតែសំរាកនៅលើផ្ទះ ពេលនោះស្រាប់តែជនសង្ស័យ បានដើរចូលមកក្នុងឃ្លាំង ដាក់ក្រណាត់របស់ជនរងគ្រោះ ដោយមានកាន់កាំបិតប៉័ងតោមួយ សួររកប្រពន្ធរបស់ខ្លួន តែកម្មករនៅទីនោះប្រាប់ថា អត់ឃើញទេ ហើយជនសង្ស័យបានប្រាប់កម្មករថា ឲ្យហៅថៅកែ(ជនរងគ្រោះ)មកជួបខ្លួន ដោយឮជនសង្ស័យសួររក ជនរងគ្រោះបានចុះពីលើផ្ទះមកជួប ស្រាប់តែជនសង្ស័យដេញកាប់ជនរងគ្រោះ តែកាប់មិនត្រូវ ហើយជនរងគ្រោះភ័យបានរត់ដួលបណ្តាលឲ្យរងរបួសរលាត់ជង្គង់ខាងស្តាំមួយកន្លែង ភ្លាមនោះបានកម្មករជួយទើបជនសង្ស័យទំលាក់កាំបិតចោល ចំណែកឯជនរងគ្រោះបានរាយការណ៍ជូនសមត្ថកិច្ច ឲ្យជួយអន្តរាគមន៍ឃាត់ខ្លួនជនសង្ស័យបាន ទាំងវត្ថុតាងបញ្ជូនមកកាន់អធិការដ្ឋាននគរបាលក្រុងតាខ្មៅ ដើម្បីធ្វើការសាកសួរនិងកសាងសំណុំរឿងតាមនីតិវិធី៕

មតិយោបល់