កណ្តាលៈ យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា ថ្ងៃទី១៥ ខែវិច្ឆិកា ឆ្នាំ២០២១ វេលាម៉ោង១៦និង ៣០នាទី ករណីអំពើលួច (គាស់ផ្ទះ) នៅចំណុច ផ្ទះនិងដីឡូតិ៍ទុកចោលភូមិខ្ពបវែង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។

ជនរងគ្រោះឈ្មោះ សំអឿន មិថុនា ភេទប្រុស អាយុ៤០ឆ្នាំ ស្នាក់នៅភូមិ-សង្កាត់កើតហេតុ មុខរបរបុគ្គលិកក្រុមហ៊ុន ។ ជនសង្ស័យ ០២នាក់៖ ១-ឈ្មោះ មឿន សំណាង ហៅ យ៉ូត ភេទប្រុស អាយុ៣៥ឆ្នាំ ជនជាតិខ្មែរ មានទីលំនៅភូមិ សង្កាត់កើតហេតុមុខរបរមិនពិត ប្រាកដ (ឃាត់ខ្លួន) ។ ២-ឈ្មោះ ម៉ុន ភារម្យ ភេទប្រុស អាយុ៣០ឆ្នាំ ជនជាតិខ្មែរ មានទីលំនៅភូមិស្ទឹងជ្រៅ សង្កាត់ដើមមៀន ក្រុងតាខ្មៅ ខេត្តកណ្តាល មុខរបរមិនពិតប្រាកដ (ឃាត់ខ្លួន) ។

វត្ថុតាងចាប់យក៖ ១-ដង្កាប់មួយ(របស់ជនសង្ស័យ) ។ ២-កូនកាំបិតចុងស្រួចមួយ (របស់ជនសង្ស័យ) ។ ៣-ទួណឺវីសមួយ (របស់ជនសង្ស័យ) ។ ៤-រណាអាដែក មួយកំណាត់ (របស់ជនសង្ស័យ) ។

កាលពីពេលវេលានិងទីកន្លែងកើតហេតុខាងលើ មានជនសង្ស័យ២នាក់ខាងលើ បាននាំគ្នាផ្លោះរបងចូលក្នុងដីឡូតិ៍ដែលមានផ្ទះទំនេរ របស់ជនរងគ្រោះដែលបានទុកចោល គ្មានអ្នកយាមរួចហើយបាននាំគ្នាគាស់ទូទឹកកក ទូចាន ទូតាំង ដើម្បីប៉ុនប៉ងរកទ្រព្យសម្បត្តិ មានតម្លៃ តែគ្មានរបស់អ្វីអោយលួច ព្រោះផ្ទះនេះជនរងគ្រោះទុកចោល សម្រាប់មកលេងម្តងម្កាល ទើបជនសង្ស័យបាននាំគ្នា កាប់យកចេកណាំវ៉ាមួយស្ទង ហើយផ្លោះរបងលីចេញពីដីឡូតិ៍មកវិញ ក៏ស្រាប់តែជួបនិងប្រជាពលរដ្ឋ ស្រែកថាចោរៗ ធ្វើអោយ ជនសង្ស័យភ័យនាំគ្នារត់ តែត្រូវប្រជាពលរដ្ឋនាំដេញចាប់បាន នាំគ្នាព្រួតវាយម្នាក់មួយដៃមួយ រហូតដល់សមត្ថកិច្ចមកទាន់ ហើយចាប់ ខ្លួនបញ្ជូនមកប៉ុស្តិ៍កំពង់សំណាញ់ ដើម្បីសាកសួរ និងបញ្ជូនមកអធិការដ្ឋាន ដើម្បីចាត់ការតាមនីតិវិធីតែម្តង ៕