ភ្នំពេញ: ប្រជាពលរដ្ឋបានប្រទះឃើញសាកសពបុរសម្នាក់មានសភាពហើមស្អុយរលួយ ហើយជើងទាំងពីរមានជាប់ច្រវាក់បានចាក់មេសោ២ជាន់ថែមទៀត ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង៧និង៣០នាទីព្រឹកថ្ងៃទី១៩ ខែសីហា ឆ្នាំ២០១៦ ដែលនៅត្រង់ចំណុចច្រាំងទន្លេសាបត្រើយខាងកើត ស្ថិតក្នុងក្រុម១ ភូមិព្រែកតាគង់ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។

ប្រភពព័ត៌មានពីសមត្ថកិច្ចបានឲ្យដឹងថា សាកសពបុរសខាងលើដែលអណ្តែតទឹកទន្លេនេះ នៅមិនទាន់ស្គាល់អត្តសញ្ញាណនៅឡើយទេ ដោយសាកសពបុរសនេះ មានស្លៀកពាក់អាវយឺតដៃខ្លីពណ៌លឿង ស្លាកខោខូវប៊យពណ៌ខ្មៅជើងខ្លី ដោយជើងទាំងពីរមានជាប់ច្រវាក់ ក្រោយមក កម្លាំងសតម្ថកិច្ចបានធ្វើកោសល្យវិច័យរួច បានបញ្ជាក់ថា សាកសពបុរសខាងលើស្លាប់ដោយសារតែចាប់ចងដាក់ច្រវាក់ ហើយវាយទម្លាក់ទន្លេ។

បច្ចុប្បន្នសាកសពបុរសខាងលើ ត្រូវបានសមត្ថកិច្ចយកទៅតម្កល់ទុកនៅក្នុងវត្ត មង្គលស្ថាវ័ន្ន ហៅវត្តព្រែកតាគង់ ដើម្បីបុណ្យទៅតាមប្រពៃណី៕

//youtu.be/6M_tqfx80j8