ភ្នំពេញៈ កាលពីវេលាម៉ោង ១និង៤៥នាទីយប់រំលងអាធ្រាត្រឈានចូលថ្ងៃទី២៥ ខែធ្នូ ឆ្នាំ២០២១ មានករណីបុរសម្នាក់ស្រវឹងស្រា បើករថយន្តឡើងសួន និងព្រះឆាយាល័ក្ខណ៍ បណ្ដាលឲ្យបាក់រលំសង្កត់លើរថយន្ត បង្កការភ្ញាក់ផ្អើលស្ថិតតាមបណ្ដោយផ្លូវព្រះស៊ីសុវត្ថិ សង្កាត់ចាក់ចតុមុខ ខណ្ឌដូនពេញ រាជធានីភ្នំពេញ។
រថយន្តម៉ាក ហ្វត់រ៉េនជ័រ ពណ៌ស ពាក់ស្លាកលេខ ភ្នំពេញ 2AM-4566 បើកបរដោយបុរសម្នាក់ ស្រវឹងស្រា (គេចខ្លួន)។
ដំណើររឿង៖ មុនពេលកើតហេតុគេឃើញបុរសម្នាក់បើករថយន្តម៉ាកខាងលើ ធ្វើដំណើរតាមបណ្ដោយផ្លូវព្រះស៊ីសុវត្ថិ ពីលិចទៅកើតក្នុងល្បឿនលឿន ខណៈមកដល់ចំណុចកើតហេតុក៏ស្រាប់តែរេចង្កូត ឡើងសួនច្បារពុះចែកទ្រូង ជ្រុលទៅបុកព្រះឆាយាល័ក្ខណ៍ បាក់រាយប៉ាយសង្កត់ពីលើរថយន្តរងការខូចខាតយ៉ាងដំណំ។
ក្រោយពេលកើតហេតុសមត្ថកិច្ចជំនាញ បានចុះដល់ទីតាំងធ្វើការវាស់វែង និងស្ទូចរថយន្តបង្ក យកទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីរង់ចាំដោះស្រាយតាមនីតិវិធីច្បាប់៕
![](https://i0.wp.com/cdn.pnm.news/2021/12/postnews.com.kh.2021-12-25_10-42-11.jpg?resize=640%2C480&ssl=1)
![](https://i0.wp.com/cdn.pnm.news/2021/12/postnews.com.kh.2021-12-25_10-42-35.jpg?resize=640%2C480&ssl=1)
![](https://i0.wp.com/cdn.pnm.news/2021/12/postnews.com.kh.2021-12-25_10-42-37.jpg?resize=640%2C480&ssl=1)
![](https://i0.wp.com/cdn.pnm.news/2021/12/postnews.com.kh.2021-12-25_10-42-40.jpg?resize=640%2C480&ssl=1)
![](https://i0.wp.com/cdn.pnm.news/2021/12/postnews.com.kh.2021-12-25_10-42-43.jpg?resize=640%2C480&ssl=1)
![](https://i0.wp.com/cdn.pnm.news/2021/12/postnews.com.kh.2021-12-25_10-42-52.jpg?resize=640%2C480&ssl=1)
![](https://i0.wp.com/cdn.pnm.news/2021/12/postnews.com.kh.2021-12-25_10-42-56.jpg?resize=640%2C480&ssl=1)
![](https://i0.wp.com/cdn.pnm.news/2021/12/postnews.com.kh.2021-12-25_10-43-01.jpg?resize=640%2C480&ssl=1)
![](https://i0.wp.com/cdn.pnm.news/2021/12/postnews.com.kh.2021-12-25_10-43-05.jpg?resize=640%2C480&ssl=1)
មតិយោបល់