ភ្នំពេញៈ បុរសមិនស្គាល់អត្តសញ្ញាណម្នាក់ ត្រូវបានប្រជាពលរដ្ឋប្រទះឃើញស្លាប់ ដោយចងកនឹងមែកពោធិ៍ ។ ហេតុការណ៍ នេះបង្កឱ្យមានការ ភ្ញាក់ផ្អើលកើតឡើង កាលពីវេលាម៉ោង០៨និង ៣០នាទីព្រឹក ថ្ងៃទី០៦ ខែមករា ឆ្នាំ ២០២២ ទីតាំងកន្លែងកើតហេតុស្ថិតត្រង់ចណុច ដីឡូតិ៍មួយកន្លែង តាមបណ្តោយផ្លូវអ៊ែ៨ ក្នុងសង្កាត់ស្រះចក ខណ្ឌដូនពេញ រាជធានី ភ្នំពេញ ។

បុរសខាងលើមិនត្រូវបាន ស្គាល់អត្តសញ្ញាណនោះទេ ស្លៀកខោជើងវែង អាវពណ៌សដៃ ដោយយកខ្សែអង្រឹងពណ៌ត្រេអ៊ី បន្តោតជាប់មែកពោធិ៍ ។

តាមប្រភពព័ត៌មាន ពីសមត្ថកិច្ចឲ្យដឹងថា នៅមុនពេលកើតហេតុ មានប្រជាពលរដ្ឋរាយការណ៍ប្រាប់ថា មានករណីមនុស្ស ចងកសម្លាប់ខ្លួន រួចសមត្ថកិច្ចចុះមកមើលផ្ទាល់ ក៏ប្រទះឃើញសាកសពបុរសនោះ ដោយចងកសម្លាប់ខ្លួនបាត់ទៅហើយ ។

សពត្រូវបានសមត្ថកិច្ចមូលដ្ឋាន រាយការណ៍ប្រាប់សមត្ថកិច្ចជំនាញ ចុះធ្វើកោសល្យវិច្ច័យ ៕