ព័ត៌មានជាតិ

ជនសង្ស័យម្នាក់ ត្រូវកម្លាំងសមត្ថកិច្ចឃាត់ខ្លួន ករណីហិង្សាដោយចេតនា

កណ្តាល: យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅថ្ងៃសុក្រ ០៤រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០២ ខែមករា ឆ្នាំ២០២២ ករណី​ហិង្សាដោយចេតនា​ចំណុច​កើត​ហេតុ​ខាងមុខផ្ទះជនរងគ្រោះ​ ស្ថិតក្នុងភូមិព្រែក​ហង់​ ឃុំពោធិ៍បាន​ ស្រុកកោះធំ​ ខេត្តកណ្ដាល​ ។

​ ជនរងគ្រោះ​០២នាក់ ​(ប្ដីប្រពន្ធ​) ៖​ ១–ឈ្មោះ​ ឡៅ​ សុភា​ ភេទស្រី​ អាយុ​៥២ឆ្នាំ​ ជនជាតិខ្មែរ​ មានទីលំនៅភូមិ​-ឃុំកើតហេតុខាងលើ​ មុខរបរ​កសិករ​ (រងរបួសមុតនិងផ្លែស្ន​ ចំស្មាខាងស្ដាំ) ។ ២–ឈ្មោះ​ ហេង​ គីម​ ភេទប្រុស​ អាយុ​៥៦ឆ្នាំ​ ជនជាតិខ្មែរ​ មានទីលំនៅភូមិ​-ឃុំកើតហេតុខាងលើ មុខរបរ​កសិករ ​។

ជនសង្ស័យ​(ឃាត់ខ្លួន​)ឈ្មោះ​ ខា​ សុខឡេង​ ភេទប្រុស​ អាយុ​ ២៤ឆ្នាំ​ ជនជាតិខ្មែរ​ មានទីលំនៅភូមិ​-ឃុំកើតហេតុខាងលើ​ មុខរបរ​មិនពិតប្រាកដ​ (មានសារធាតុញៀនក្នុងទឹកនោម​ វិជ្ជមាន​) ​និងបានធ្វើតេស្ដរក​វីរុសកូវីដ–១៩​ លទ្ធ​ផល​ អវិជ្ជមាន​(+)។

វត្ថុ​តាង​ចាប់យក៖ ១–កាំបិត​ប៉័ងតោ​ ចំនួន​០១​ មានដងឈើ​​ប្រវែង​ ១១ស.ម​ និងផ្លែដែកប្រវែង​ ១៣ស.ម។
២–ស្ន​ ចំនួន០១​ មានដងឈើឫស្សី​ ប្រវែង០៤ម៉ែត្រ​ និងផ្លែដែក​០២​ (ផ្លែ០១​ ប្រវែង​ ២០ស.ម) ។

ជនរងគ្រោះ​ ទាំង០២នាក់ខាងលើ​ គឺមានផ្ទះនៅជាប់និងផ្ទះជនសង្ស័យ​ ខា​ សុខឡេង​ ហើយឈ្មោះ​ ឡៅ​ សុភា​ ក៏​ត្រូវជាម្ដាយមីងបង្កើតរបស់ជនសង្ស័យផងដែរ ។

នៅមុនពេលកើតហេតុ​ ជនសង្ស័យ​ ខា​ សុខឡេ​ង​ បាននិយាយឌឺដងផ្លែផ្កាដាក់ជនរងគ្រោះជាពូសាច់ថ្លៃ​ រួចក៏បានទាក់ពាក្យសម្ដីគ្នាបានបន្តិច​ ជនរងគ្រោះ​ ហេង​ គីម​ ក៏បានទះកំផ្លៀងជនសង្ស័យ០២​ដៃ រួចក៏បាន​បែកគ្នាទៅ។

លុះពេលកើតហេតុថ្ងៃទី២១​ ខែមករា​ ឆ្នាំ​២០២២​ វេលាម៉ោង​០៧​ និង​ ៣០នាទី​ ជនរងគ្រោះ​ ហេង​ គីម​ បានកាន់ចបកាប់​ឆាយដីដំណាំខាងក្រោយផ្ទះ​ ក៏ត្រូវបានជនសង្ស័យ ​ដើរទៅឃើញស្រែកដាក់​ ហេង​ គីម​ ថា មើលមុខវាធ្វើអី? រួចដោយមានកំហឹងពីម្សិលផង​ ជនសង្ស័យ​ក៏បានយកដុំថ្មគប់ទៅលើជនរងគ្រោះ​ ហេង​ គីម​ តែពុំត្រូវទេ​ រួចក៏ត្រូវជនរងគ្រោះដេញ​តាម​ពុំទាន់ ធ្វើ​ឱ្យជនសង្ស័យបានរត់ទៅយក កាំបិតប៉័ងតោ​ចំនួន​០១​ និងស្ន​ ចំនួន​០១​ ពីផ្ទះមករកជនរងគ្រោះវិញ​ ហើយបានយកកាំបិតគប់ទៅលើ​ ហេង​ គីម​ តែពុំត្រូវ​ ពេលនោះ​ជនរងគ្រោះ​ ឡៅ​ សុភា​ បានចូលទៅឃាត់ក៏ត្រូវបានជសង្ស័យ​ យកស្ន​ ដែលមានផ្លែដែកចុងស្រួច​ គប់ទៅលើខ្លួន​ បណ្ដាលឱ្យផ្លែស្ន​ មុតបាក់ផ្លែស្ន០១​ ជាប់និងស្មាខាងស្ដាំចេញឈាមតែម្ដង។
ពេលនោះជនសង្ស័យបានរត់គេចខ្លួនតែម្ដង​ ចំណែកឈ្មោះ​ ឡៅ​ សុភា​ ត្រូវបានក្រុមគ្រួសារយកទៅព្យាបាលនៅផ្ទះពេទ្យឯកជន​ ០១កន្លែង​ ក្នុងភូមិតែម្ដង។

ក្រោយកើតហេតុ​ជនរងគ្រោះ​ ក៏បានរាយការណ៍មកកាន់នគរបាលប៉ុស្ដិ៍ឱ្យជួយអន្តរាគមន៍តាមច្បាប់ ។ ក្រោយពី​ទទួល​បានព័ត៌មានខាងលើនេះរួច​ សមត្ថកិច្ច​នគរបាល​ប៉ុស្ដិ៍​ពោធិ៍​បាន​ បានចុះធ្វើការស្រាវ​ជ្រាវ​ រហូតឃាត់ខ្លួនជនសង្ស័យ​ ខា​ សុខឡេង​ ព្រមទាំងដកហូតវត្ថុតាងពាក់ព័ន្ធដូចចាប់យកខាងលើ​ មកកាន់ប៉ុស្ដិ៍រដ្ឋបាលពោធិ៍បាន​តែម្ដង ។

បច្ចុប្បន្ន​ជនសង្ស័យ​ ខា​ សុខឡេង​ និងវត្ថុតាងដូចបានចាប់យកខាងលើ​ ត្រូវ​បាន​ឃាត់​និងរក្សាទុកនៅអធិការដ្ឋាននគរបាលស្រុក​ជាបណ្ដោះអាសន្ន​ ដើម្បីកសាងសុំណុំរឿងចាត់ការតាមនីតិវិធី ៕

មតិយោបល់