ភ្នំពេញៈ នាវេលាម៉ោង ៩យប់ថ្ងៃទី៣១ ខែមករា ឆ្នាំ២០២២ មានករណីរថយន្តព្រូស ១គ្រឿង បើករេចង្កូតបុករបាំងថ្មពុះចែកទ្រូងផ្លូវ រងការខូចខាត បើកលែងទៅមុខ ហេតុការណ៍នេះ ស្ថិតតាមបណ្ដោយផ្លូវ២១៧ ក្នុងសង្កាត់វាលវង់ ខណ្ឌប្រាំ៧មករា រាជធានីភ្នំពេញ។

រថយន្តម៉ាក តូយ៉ូតាព្រូស ពណ៌ទឹកប្រាក់ ពាក់ស្លាកលេខ ភ្នំពេញ 2BE-9408។

ប្រភពពីកន្លែងកើតហេតុបានប្រាប់អោយដឹងថាមុនកើតហេតុគេបានឃើញរថយន្តម៉ាកតូយ៉ូតាព្រូសព៍ណទឹកប្រាក់មួយគ្រឿងពាក់ស្លាកលេខ ភ្នំពេញ 2BE-9408បើកបរ
ដំណើររឿង៖ មុនពេលកើហេតុគេឃើញរថយន្តព្រូសខាងលើ ធ្វើដំណើរតាមបណ្តោយផ្លូវ២១៧ ពីកើតមកលិចក្នុងល្បឿនលឿន លុះមកដល់ចំណុចកើតហេតុ បានរេចង្កូតជ្រុលទៅបុក និងរបាំងថ្មពុះចែកទ្រូងផ្លូវពេញទំហឹង បណ្តាលអោយបាក់ចំនួន ២កង់ ចំណែកឯរថយន្តបង្ករងការខូចខាតខ្ទេចមួយកំណាត់ខាងមុខ ហើយភ្លាមនោះដែរម្ចាស់រថយន្តបានចុះរត់ចេញពីកន្លែងកើតហេតុបាត់ស្រមោល។

ក្រោយពីកើតហេតុសមត្ថកិច្ចជំនាញចរាចរណ៍ ចុះមកដល់ទីតាំងវាស់វែងយករថយន្តស្ទូចមកស្ទូចយករថយន្តបង្កខាងលើ ទៅរក្សាទុកនៅខាងការិយាល័យចរាចរណ៍ជំនាញផ្លូវគោក នៃស្នងការនគរបាលរាជធានីភ្នំពេញ រង់ចាំដោះស្រាយនៅពេលក្រោយ៕