បាត់ដំបង: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី០៥ ខែកុម្ភ: ឆ្នាំ២០២២ វេលាម៉ោង១២និង ៥០នាទី ត្រង់ចំណុចក្រុមទី០៣ ភូមិតាស្ដា ឃុំតាស្ដា ស្រុកសំពៅលូន មានករណីអគ្គិភ័យឆាបឆេះផ្ទះប្រជាពលរដ្ឋចំនួន០៣ខ្នង ។
លោកវរសេនីយ៍ទោ ទឹម វិឆ័យ អធិការនគរបាលស្រុកសំពៅលូន បានរាយការណ៍ឲ្យដឹងថា គ្រោះអគ្គិភ័យឆេះផ្ទះប្រជាពលរដ្ឋ៣ខ្នងខាងលើនេះ បណ្តាលឲ្យខូចខាតទ្រព្យសម្បត្តិ និងសម្ភារ:រួមមាន៖ ១-ផ្ទះសង់ពីឈើប្រក់ស័ង្កសី ទំហំ ៣ម៉ែត្រ × ៥ម៉ែត្រ ម្ចាស់ផ្ទះឈ្មោះ កៅ លីន ភេទប្រុស អាយុ៤៤ឆ្នាំ ខូចខាតធុងបាស ០១គ្រឿង តម្លៃ៦០ម៉ឺនរៀល ទូរទស្សន៍ ០១គ្រឿង និងខោអាវរបស់របរប្រើប្រាស់ក្នុងផ្ទះឆេះអស់ទាំងស្រុង ។
២-ផ្ទះសង់ពីឈើប្រក់ស័ង្កសី ទំហំ ៣ម៉ែត្រ × ៥ម៉ែត្រ ម្ចាស់ផ្ទះ ឈ្មោះ ឈន ឆន ភេទប្រុស អាយុ៤២ឆ្នាំ ឆេះប័ណ្ណក្រីក្រ ០១សន្លឹក លុយខ្មែរអស់៥០ម៉ឺនរៀល ខោអាវ និងរបស់របរប្រើប្រាស់ក្នុងផ្ទះទាំងស្រុង ។
៣-ផ្ទះសង់ពីឈើប្រក់ស័ង្កសី ទំហំ ៣ម៉ែត្រ × ៥ម៉ែត្រ ម្ចាស់ផ្ទះ ឈ្មោះ ឡុច ស្រីពៅ ភេទស្រី អាយុ៤៥ឆ្នាំ ខូចខាតលុយចំនួន១,៥០០,០០០ម៉ឺនរៀល កង្ហារ ០៣គ្រឿង និងខោអាវរបស់ប្រើប្រាស់ក្នុងផ្ទះឆេះទាំងស្រុង ។
ក្នុងហេតុការណ៍នេះ កម្លាំងអធិការដ្ឋាននគរបាល ស្រុកបានចេញរថយន្តពន្លត់អគ្គិភ័យ ទៅបាញ់ទឹកពន្លត់ប្រើប្រាស់ទឹកអស់ចំនួន០២ រថយន្ត ។ ក្នុងករណីនេះផងដែរ មិនបណ្តាលឲ្យគ្រោះថ្នាក់ដល់មនុស្សឡើយ ៕
មតិយោបល់