Post News Media ព័ត៌មានជាតិ បង្រ្កាបល្បែង...

បង្រ្កាបល្បែងបក្សីចល័ត ឃាត់ខ្លួនមនុស្ស៦នាក់

ភ្នំពេញ: ក្រោមការបញ្ជារបស់លោកឧត្តមសេនីយ៍ ជួន សុវណ្ណ និងការចង្អុលបង្ហាញរបស់លោក ជា ពិសី អភិបាលនៃគណ:អភិបាលខណ្ឌឫស្សីកែវ ឲ្យចុះបង្ក្រាបរាល់បទល្មើសល្បែងស៊ីសងគ្រប់ប្រភេទនៅក្នុងមូលដ្ឋានជាប់ជាប្រចាំតាមបណ្តាសង្កាត់ទាំង៦ ក្នុងភូមិសាស្រ្តខណ្ឌឫស្សីកែវកន្លងមក រហូតឈានដល់កំណត់បាននូវទីតាំងផ្លាស់ប្តូរចល័តរបស់ក្រុមបញ្ជល់មាន់ លោកវរសេនីយ៍ឯក ទៀង ច័ន្ទសារ ដោយមានការសម្របសម្រួលពីសំណាក់លោក ចែ សុង ព្រះរាជអាជ្ញារងអមសាលាដំបូងរាជធានីភ្នំពេញ សហការជាមួយគណ:បញ្ជាការឯកភាពខណ្ឌឫស្សីកែវ និងកម្លាំងប្រជាការពារសង្កាត់ទួលសង្កែ សង្កាត់ឫស្សីកែវ និងកម្លាំងនគរបាលប៉ុស្តិ៍គីឡូម៉ែត្រលេខ6 បើកប្រតិបត្តិការបង្ក្រាបកាលពីម៉ោង១០និង៣០នាទីថ្ងៃទី២១ សីហា នេះ ស្ថិតនៅចំណុចផ្លូវរថភ្លើង ក្រុមទី1 ភូមិទួលគោក សង្កាត់ទួលសង្កែ2 ។

ជាលទ្ធផលនៃកិច្ចប្រតិបត្តិការនេះ សមត្ថកិច្ចយើងបានធ្វើការឃាត់ខ្លួនមនុស្សពាក់ព័ន្ធចំនួន៦នាក់(ប្រុស) មាន់ជល់ចំនួន៣ក្បាល និងម៉ូតូចំនួន១៤គ្រឿង។

ក្រោយពីកិច្ចប្រតិបត្តិការត្រូវបានបញ្ចប់ ជនពាក់ព័ន្ធខាងលើ ត្រូវបានបញ្ជូនមកអធិការដ្ឋានដើម្បីសាកសួរ និងកសាងសំណុំបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី៕

photo_2016-08-21_14-34-56

photo_2016-08-21_14-34-57

photo_2016-08-21_14-35-00

photo_2016-08-21_14-35-02

photo_2016-08-21_14-37-48

photo_2016-08-21_14-37-50

photo_2016-08-21_14-37-52