បាត់ដំបង: កាលពីថ្ងៃ អាទិត្យ ១២កើត ខែមាឃ ឆ្នាំឆ្លូវត្រី ស័ក ព.ស.២៥៦៥ ត្រូវនឹងថ្ងៃទី១៣ ខែកុម្ភ: ឆ្នាំ
២០២២ វេលាម៉ោង ៥និង៤៥នាទី នៅចំណុចភូមិព្រះពុទ្ធ ឃុំបឹងរាំង ស្រុកកម្រៀង ខេត្តបាត់ដំបង អនុវត្តតាមយោបល់ដឹកនាំរបស់លោក សាត គឹមសាន ស្នងការនៃស្នងការដ្ឋាន នគរបាលខេត្តបាត់ដំបង រួមនឹងយោបល់លោក កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ទោ វេ គឺម ចត់ អធិការនគរបាលស្រុកកម្រៀង បានដឹកនាំកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុក បង្ក្រាបករណី រក្សាទុកដោយខុសច្បាប់នូវសារធាតុញៀន ០១ករណីក្នុងបទល្មើសជាក់ស្តែង និងឃាត់ខ្លួនជនសង្ស័យម្នាក់ឈ្មោះ ហ៊ឹម ភាន់ ភេទស្រី អាយុ ៤៨ឆ្នាំ មានទីលំនៅ ភូមិព្រះពុទ្ធ ឃុំបឹងរាំង ស្រុកកម្រៀង ខេត្តបាត់ដំបង ។

វត្ថុតាងចាប់យកបានរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកសថ្លាចំនួន ២ថង់ សង្ស័យមានសារធាតុញៀន។
-ទូរសព្ទដៃចំនួន០១គ្រឿងចាស់។

បច្ចុប្បន្នជនសង្ស័យ និងវត្ថុតាងនគរបាលស្រុក បានរៀបចំបញ្ជូនមកការិយាល័យជំនាញ នៅស្នងការដ្ឋាននគរបាលខេត្តបាត់ដំបង ចាត់ការបន្តតាមនីតិវិធីច្បាប់៕