កណ្តាលៈ យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា ថ្ងៃអង្គារ ១៣រោច ខែមាឃ ឆ្នាំឆ្លូវ ត្រីសក័ ពស២៥៦៥ត្រូវនឹងថ្ងៃទី ១ ខែ មីនា ឆ្នាំ២០២២ ករណីអំពើលួច (ម៉ូតូ) ចំណុចនៅជាប់របង សាលាគរុកោសល្យវិក្រឹតការខេត្តកណ្ដាល ជាប់មាត់ទន្លេសួនច្បារតាខ្មៅ ភូមិតាខ្មៅ១សង្កាត់តាខ្មៅ ក្រុងតាខ្មៅ ខេត្តកណ្តាល ។

ជនសង្ស័យម្នាក់ឈ្មោះ ណុល ប៊ុនថង ហៅខ្មៅ ភេទប្រុស អាយុ ៣៣ ឆ្នាំ ជនជាតិខ្មែរ មុខរបរ មិនពិតប្រាកដ (ឃាត់ខ្លួន) ស្នាក់នៅភូមិដើមគរ សង្កាត់ដើមមៀន ក្រុងតាខ្មៅ ខេត្តកណ្តាល ។

វត្ថុតាងចាប់យក៖ ម៉ូតូម៉ាក HONDA Cub៥០ ពណ៌ទឹកប៊ិច អត់ស្លាកលេខ ។

នៅថ្ងៃកើតហេតុខាងលើ ជនរងគ្រោះឈ្មោះ តុន យ៉ុន បានជិះម៉ូតូម៉ាក Honda cub មកបោសសំរាមតាមសួនច្បារមាត់ទន្លេជាប្រចាំ ស្រាប់តែជនសង្ស័យបានធ្វើសកម្មភាពលួចម៉ូតូ ដោយធាក់ម៉ូតូមិនឆេះ ក៏បណ្ដើរយកទៅប្រហែលចម្ងាយមួយរយម៉ែត្រ ក៏មានប្រជាពលរដ្ឋស្គាល់ម៉ូតូជនរងគ្រោះ ក៏បានស្រែកហៅគ្នា ទើបឃាត់ខ្លួនជនសង្ស័យយកទៅសាកសួរនៅប៉ុស្តិ៍ នៅចំពោះមុខសមត្ថកិច្ចជនសង្ស័យ ពិតជាសារភាពយកម៉ូតូជនរងគ្រោះ ពិតប្រាកដមែន ។

បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលក្រុងតាខ្មៅ ដើម្បីបន្តនីតិវិធី ៕