ពោធិ៍សាត់ៈ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី០៩ ខែមីនាឆ្នាំ២០២២ នាវេលាម៉ោង ១១និង៣០នាទី មានករណីក្មេងទំនើងចំនួន ០៣នាក់ (ស្រី០១នាក់) ប្រដាប់ដោយដំបង បានធ្វើសកម្មភាពដេញវាយគ្នាតាមដងផ្លូវសាធារណៈនៅចំណុចមុខសួនច្បារ ៧មករា ស្ថិតនៅភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ។
សមត្ថកិច្ចនគរបាលក្រុងពោធិ៍សាត់ បានឲ្យដឹងថា បន្ទាប់ពីទទួលបានព័ត៌មានខាងលើ កម្លាំងអន្តរាគមន៍ក្រុង បានចេញល្បាតក្នុងភូមិសាស្ត្រចំណុចមុខសួនច្បារ៧មករា ស្ថិតនៅភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ និងបានធ្វើការឃាត់ខ្លួនជនសង្ស័យ០១នាក់ឈ្មោះ ប៊ុន ណារិន ភេទប្រុស អាយុ ១៧ឆ្នាំ រស់នៅភូមិក្បាលហុង សង្កាត់បន្ទាយដី ក្រុងពោធិ៍សាត់ ខេត្តពោធិ៍សាត់ នឹងវត្ថុតាងដំបងចំនួន០១ដើម ។ ចំណែកបក្ខពួក០២នាក់ទៀតបានបើកម៉ូតូរត់គេចខ្លួន ។
បច្ចុប្បន្ន ជនសង្ស័យរួមទាំងវត្ថុតាង សមត្ថកិច្ចឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងពោធិ៍សាត់ រង់ចាំការដោះស្រាយតាមនីតិវិធី ៕
មតិយោបល់