ភ្នំពេញៈ រថយន្តមួយគ្រឿងម៉ាកហ៊ីយ៉ាន់ដាយ បើកបរឡើងស្ពានអស់ប្រេងរលត់ រអិលថយក្រោយបុករថយន្តព្រុសខូចខាតយ៉ាងដំណំ ហេតុការណ៍នេះ បានកើតឡើងកាលពីវេលាម៉ោង០៨និង៥០នាទីព្រឹកថ្ងៃទី១០ ខែមីនា ឆ្នាំ២០២២ ទីតាងស្ថិតត្រង់ចំណុចលើស្ពានបាឡេ ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ ។

ករណីគ្រោះថ្នាក់ចរាចរណ៍ខាងលើនេះ រថយន្តបង្កហេតុម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ 3E 2843 បើកបរ0ដោយបុរសម្នាក់ ។ ចំណែកឯរថយន្តព្រុស ពណ៌កណ្តុលប្រមេះ ពាក់ស្លាកលេខភ្នំពេញ 2BH 2105 បើកបរដោយស្ត្រីម្នាក់ ។

យោងតាមប្រភពព័ត៌មាន ពីកន្លែងកើតហេតុបានឲ្យដឹងថា នៅមុនពេលកើតហេតុ រថយន្តទាំងពីរគ្រឿង បានបើកបរស្របទិសដៅគ្នា ពីកើតទៅលិចបើកឡើងស្ពានបាឡេ ដោយរថយន្តព្រុសបើកពីក្រោយ ។ លុះពេលបើកឡើងស្ពានមិនបានពាក់កណ្តាលផង រថយន្តហ៊ីយ៉ាន់ដាយអស់ប្រេងជាន់ហ្វ្រាំងមិនជាប់ ក៏រអិលថយក្រោយបុករថយន្តព្រុល បណ្តាលឲ្យរងការខូចខាតយ៉ាងដំណំ ។

ក្រោយពីកើតហេតុ ភាគីទាំងសងខាងបានសម្រួលគ្នាបញ្ចប់រឿង ដោយខាងរថយន្តហ៊ីយ៉ាន់ដាយ ចេញថ្លៃជួសជុលការខូចខាត ៕