ភ្នំពេញៈ ករណីគ្រោះថ្នាក់ចរាចរណ៍ មួយដែលរថយន្តកូរ៉េឃ្លុបដឹកទឹកកក បើកលឿនជ្រុលទៅបុកពីក្រោយ រថយន្តបែន បណ្តាលឲ្យខ្ទេចមុខ ។

ហេតុការណ៍ខាងលើបង្កការភ្ញាក់ផ្អើល កាលពីវេលាម៉ោង១១និង៣០នាទីព្រឹក ថ្ងៃទី១៥ ខែមីនា ឆ្នាំ២០២២ នៅតាមមហាវិថី ឈ្នះ ឈ្នះ ភូមិភ្លូផ្អែម សង្កាត់គោករកា ខណ្ឌព្រែកព្នៅ រាជធានីភ្នំពេញ ។

តាមប្រភពនៅកន្លែងបានឲ្យដឹងថា មុនដំបូងគេបានឃើញរថយន្តកូរ៉េ ឃ្លុប ដឹកទឹកកកមួយគ្រឿងម៉ាក KIA ពណ៌ស ពាក់ស្លាកលេខ ភ្នំពេញ 2M-3072 បើកបរក្នុងទិសដៅពីត្បូងទៅជើងរហូតមក ដល់ចំណុចកើតហេតុមានផ្លូវឆ្លងសង្ស័យ ហ្វ្រាំងមិនទាន់ក៏ជ្រុលទៅបុកពីក្រោយរថយន្តបែនពេញទំហឹង បណ្តាលឲ្យរងការខូចខាតខ្លួនឯងផ្នែកកាប៊ីនមុខរួញតែម្តង ចំណែរថយន្តបែនខាងលើ ពាក់ស្លាកលេខ ចង្កូតស្តាំ PSHN-0339 ដែលកំពុងបើកនៅពីខាងមុខ បង្អន់ល្បឿនដោយសារផ្លូវឆ្លង ។

ក្រោយកើតហេតុ សមត្ថកិច្ចមូលដ្ឋាន និងជំនាញចរាចរណ៍ នៃអធិការដ្ឋាននគរបាលខណ្ឌព្រែកព្នៅ ចុះដល់ទីតាំងដល់កន្លែងកើតហេតុ ធ្វើការវាស់យកដាក់អែបខាង ដោយមានការយោគយល់ពីរថយន្តបែន ទើបបញ្ចប់រឿងនៅនិងកន្លែង ដោយមិនមានសំណងឡើយ ៕