បាត់ដំបងៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី២៩ ខែមីនា ឆ្នាំ២០២២ វេលាម៉ោង១៥និង១០នាទី កម្លាំងអធិការដ្ឋាននគរបាលស្រុកបាណន់ បានធ្វើការបង្ក្រាបករណីល្បែងស៊ីសងខុសច្បាប់ (បៀរតង) ០១ករណី ក្នុងបទល្មើសជាក់ស្តែង ត្រង់ចំណុចភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង ។
ក្នុងកិច្ចប្រតិបត្តិការនេះ សមត្ថកិច្ចបានឃាត់អ្នកប្រព្រឹត្តល្បែងចំនួន០៧នាក់៖ ១.ឈ្មោះ គឿន លឿប ភេទស្រី អាយុ៦២ឆ្នាំ ២.ឈ្មោះ ចេក-ជឿន ភេទស្រី អាយុ៥៨ឆ្នាំ ៣.ឈ្មោះ ហាំ សុថៃ ភេទស្រី អាយុ៣៣ឆ្នាំ ៤.ឈ្មោះ សឿន ទូច ភេទស្រី អាយុ៥៣ឆ្នាំ ៥.ឈ្មោះ ម៉ក់ ម៉ន ភេទស្រី អាយុ៣៩ឆ្នាំ ៦.ឈ្មោះ យឿង ស៊ីណែត ភេទស្រី អាយុ៣០ឆ្នាំ និង៧.ឈ្មោះ យឿង យ៉ុង ភេទស្រី អាយុ៤៣ឆ្នាំ ទាំង០៧នាក់ មានទីលំនៅភូមិថ្មី ឃុំកន្ទឺ១ ស្រុកបាណន់ ខេត្តបាត់ដំបង ។
វត្តុតាងដកហូតបានរួមមាន៖
-សន្លឹកបៀរតងចំនួន ០១ហ៊ូ
-ក្រណាត់ក្រាលសម្រាប់លេងល្បែង ០១
-ប្រាក់ខ្មែរចំនួន ៥,៥០០រៀល ។
ករណីនេះនគរបាលស្រុកបានធ្វើការអប់រំ និងធ្វើកិច្ចសន្យាបញ្ឈប់មិនឲ្យលេងល្បែងស៊ីសងគ្រប់ប្រភេទ រួចអនុញ្ញាតឲ្យក្រុមគ្រួសារផ្តិតមេដៃធានាត្រឡប់ទៅសហគមន៍វិញ ៕
មតិយោបល់