ព័ត៌មានជាតិ

រថយន្ត ២គ្រឿង បុកគ្នាបណ្តាលឲ្យរងរបួសស្រាលម្នាក់ និងស្លាប់ ២នាក់ នៅ​កន្លែង​កើតហេតុ

កំពង់ឆ្នាំង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា មាន​ករណី​គ្រោះថ្នាក់​ចរាចរណ៍​កើតឡើង​រវាង​រថយន្តនិងរថយន្ត នៅ​យប់​ថ្ងៃ​អង្គារ​ ​ទី​០៥​ ខែមេសា​ ឆ្នាំ​២០២២​ វេលា​ម៉ោង​ ២៤​និង​៣០​នាទី​នៅ​លើ​ផ្លូវជាតិ​លេខ​៥​ចន្លោះ​បង្គោលគីឡូម៉ែត្រ​៤៦-៥៧​នៅ​ភូមិ​ អន្លង់​ត្នោត​ ឃុំ​លង្វែក​ ស្រុក​កំពង់ត្រឡាច​ ខេត្តកំពង់ឆ្នាំង​។

យោងតាមរបាយការណ៍របស់ សមត្ថកិច្ចនគតបាល បានឲ្យដឹងថា មាន​ករណី​គ្រោះថ្នាក់​ចរាចរណ៍​កើតឡើង​រវាង​រថយន្ត​ម៉ាក​ HYUNDIA​ ពណ៌​ស​ ពាក់​ស្លា​ក​លេខ​ ពោធិ៍សាត់ ​3A-0770​ អ្នកបើកបរ​ឈ្មោះ​ សៀវ​ ប៉ាវ​ ភេទ​ប្រុស​ អាយុ ​២០​ឆ្នាំ​ ជនជាតិ​ខ្មែរ​ នៅ​ភូមិ​ ពោធិ៍​ម្រេះ​ ឃុំ​ចក​ ស្រុក​បរិបូរណ៍​ ខេត្តកំពង់ឆ្នាំង​(​ស្លាប់​នៅ​កន្លែង​កើតហេតុ​)​ មាន​អ្នក​រួម​ដំណើរ​ ចំនួន​០២​នាក់​៖ ១.​ ឈ្មោះ​ ជា​ សុខ​ ភេទ​ប្រុស​ អាយុ​៤៤​ឆ្នាំ​ ជនជាតិ​ខ្មែរ​ រស់នៅ​ភូមិ​ ឆ្នុកទ្រូ​ ឃុំ​ឆ្នុកទ្រូ​ ស្រុក​បរិបូណ៌​ ខេត្តកំពង់ឆ្នាំង​ (​ស្លាប់​នៅ​កន្លែង​កើតហេតុ​)​។ ២.​ ឈ្មោះ​ ម៉​ន​ សំណាង​ ភេទ​ប្រុស​ អាយុ​៣០​ឆ្នាំ​ នៅ​ភូមិ​ទី​៤​ឃុំ​កំពង់​លួង​ ស្រុក​ក្រគរ​ ខេត្តពោធិ៍សាត់​ (​របួសស្រាល​)​។ ​បើកបរ​ពី​ទិស​ខាងជើង​ ឆ្ពោះទៅ​ទិស​ខាងត្បូង​ ពេល​មក​ដល់​ចំណុច​ខាងលើ​ក៏​បាន​បុក​ ជាមួយ​រថយន្ត​ម៉ាក​ HINO​ ពណ៌​ស​-​ខៀវ​ ពាក់​ផ្លា​ក​លេខ​ ព្រះ​សីហ​នុ​ 3A-​7514​ សណ្ដោង​រ៉ឺ​ម៉ក​ ពណ៌​ខៀវ​ ពាក់​ស្លា​ក​លេខ​ព្រះ​សីហ​នុ​ 4A-3722​ អ្នកបើកបរ​(​គេចខ្លួន​ពី​កន្លែង​កើតហេតុ​)​ បើកបរ​ពី​ទិស​ខាងត្បូង​ឆ្ពោះទៅ​ទិស​ខាងជើង​ក្នុង​ដំណើរ​ច្រាស់ទិស​គ្នា​។​

ក្រោយ​ពេល​កើតហេតុ​ កម្លាំង​នគរបាល​ជំនាញ​បាន​ចុះ​ដល់​កន្លែង​កើតហេតុ​ ធ្វើការ​វាស់វែង​ វត្ថុ​តាង​ចាប់​យក​មក​រក្សា​ទុក​នៅ​ អធិការដ្ឋាន​នគរបាល​ស្រុក​កំពង់ត្រឡាច​ ដើម្បី​កសាង​សំណុំរឿង​តាម​នីតិវិធី​៕

មតិយោបល់