-

យុវជនម្នាក់បើកម៉ូតូលឿន ជ្រុលបុកត្រាក់ទ័របត់ឆ្វេងមិនប្រយ័ត្ន បណ្តាលឲ្យម្នាក់ស្លាប់បាត់បង់ជីវិត

​បាត់ដំបង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃ​ទី​២៧​ ខែមេសា​ ឆ្នាំ​២០២២​ វេលា​ម៉ោង​០៦​និង​២៥​នាទី​ នៅ​ផ្លូវជាតិ​លេខ​៥៩​ ចំណុច​ភូមិ​បេង​ស្អាត​ ឃុំ​ភ្នំព្រឹក​ ស្រុក​ភ្នំព្រឹក​ ខេត្តបាត់ដំបង​ មាន​ករណី​គ្រោះថ្នាក់​ចរាចរណ៍​កើតឡើង​ចំនួន​០១​លើក​រវាង​ម៉ូតូ​ និង​ត្រាក់ទ័រ ​បណ្តាល​ឲ្យ​មនុស្ស​០១​នាក់​ស្លាប់​បាត់បង់​ជីវិត​ ។​

​យោងតាមរបាយការណ៍របស់ លោក​វរសេនីយ៍ទោ​ ហេង​ បារាំង​ អធិការ​នគរបាល​ស្រុក​ភ្នំព្រឹក​ បាន​រាយការណ៍​ឲ្យ​ដឹង​ថា​ គ្រោះថ្នាក់​ចរាចរណ៍​នេះ​បង្ក​ឡើ​ង​ ដោយ​ត្រាក់ទ័រ​ពណ៌​ខៀវចាស់​ អ្នកបើកបរ​ឈ្មោះ​ មៀន​ ដា​ ភេទ​ប្រុស​ អាយុ ​២៥ ​ឆ្នាំ​ រស់នៅ​ភូមិ​បេង​ស្អាត​ ឃុំ​ភ្នំព្រឹក​ ស្រុក​ភ្នំព្រឹក​ ខេត្តបាត់ដំបង​ (​គ្មាន​របួស​)​ បើ​កបរ​ស្រប​ទិស​គ្នា​ពី​ជើង​ទៅ​ត្បូង​មក​ដល់​ចំណុច​កើតហេតុ​ក៏​បត់​ឆ្វេង​ បាន​បុក​ម៉ូតូ​០១​គ្រឿង​ ម៉ាក​សង់​ឌ្រី​ម​ C125​ ពណ៌​ខ្មៅ​ ស៊េរី​ឆ្នាំ​២០២០​ ពាក់​ស្លាក​លេខ​ បាត់ដំបង​ 1AI-5011​ អ្នកបើកបរ​ម៉ូតូ​ឈ្មោះ​ សេង​ ពិសិដ្ឋ​ ភេទ​ប្រុស​ អាយុ​១៩​ឆ្នាំ​ រស់នៅ​ភូមិ​ទួល​ជ្រៃ​ ឃុំ​បារាំង​ធ្លាក់​ ស្រុក​ភ្នំព្រឹក​ ខេត្តបាត់ដំបង​ (​ស្លាប់​នៅ​កន្លែង​កើតហេតុ​ មាន​មួក​សុវត្ថិភាព​) ​។​

​ក្រោយ​ពី​សមត្ថកិច្ច​ចុះ​វាស់វែង​ និង​ពិនិត្យ​កន្លែង​កើតហេតុ​រួច ​អាច​បញ្ជាក់​ឲ្យ​ដឹង​ថា ​គ្រោះថ្នាក់​ចរាចរណ៍​នេះ ​បង្ក​ឡើ​ង​ត្រាក់ទ័រ​បត់​ឆ្វេង​មិន​ប្រយ័ត្ន​ ចំណែក​ម៉ូតូ​បើក​លឿន​ផង​ ទើប​បណ្ដាល​ឲ្យ​បុក​ត្រាក់ទ័រ​តែ​ម្ដង ​។​

ករណី​នេះ​ នគរបាល​ស្រុក​បាន​ដកហូត​មធ្យោបាយ​បង្ក​ទាំង​ពីរ​គ្រឿង​ យក​មក​រក្សា​ទុក​នៅ​អធិការដ្ឋាន​នគរបាល​ស្រុក​ ដោយឡែក​សាកសព​បាន​ប្រគល់​ទៅ​ឲ្យក្រុ​ម​គ្រួសារ​ យក​ធ្វើបុណ្យ​តាម​ប្រពៃណី​ ​៕​

មតិយោបល់