ព័ត៌មានជាតិ

ករណីឆ្លងចរន្តអគ្គិសនី ឆាបឆេះផ្ទះពលរដ្ឋមួយខ្នងទាំងស្រុង នៅស្រុកថ្ពង

កំពង់ស្ពឺ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃអាទិត្យ ៨កើត ខែពិសាខ ឆ្នាំខាល ចត្វាស័ក ព.ស២៥៦៥ ត្រូវនឹងថ្ងៃទី៨ ខែឧសភា ឆ្នាំ២០២២ វេលាម៉ោង ២២និង១០នាទី មានករណីអគ្គិភ័យឆេះផ្ទះប្រជាពលរដ្ឋមួយខ្នង ស្ថិតនៅភូមិតាំងបន្ទាយ ឃុំវាលពន់ ស្រុកថ្ពង ខេត្តកំពង់ស្ពឺ ។

សមត្ថកិច្ចមូលដ្ឋានបានឲ្យដឹងថា ម្ចាស់ផ្ទះឈ្មោះ ផន ខន ភេទប្រុស អាយុ ៥៦ឆ្នាំ រស់នៅភូមិឃុំកើតហេតុខាងលើ បណ្តាលឲ្យម្ចាស់ផ្ទះរងរបួសស្រាល និងឆេះផ្ទះអស់ចំនួន០១ខ្នងទំហំ៦មx៨ម៉ែត ធ្វើពីឈើ ប្រក់ក្បឿង ថ្មក្រោម ឆេះទាំងស្រុង, ឆេះមាសអស់ចំនួន ៣តំឡឹង ឆេះប្រាក់ដុល្លារអស់ចំនួន ៨,០០០ដុល្លារ ឆេះប្រាក់រៀលអស់ចំនួន ១០,០០០,០០០រៀល, ឆេះស្រូវចំនួន១តោន ឆេះអង្ករចំនួន ១០០គីឡូក្រាម ឆេះសៀវភៅស្នាក់នៅ(ក២) ១ក្បាល, ឆេះសំបុត្របញ្ជាក់កំណើត០៧សន្លឹក អត្តសញ្ញាណប័ណ្ណសញ្ជាតិខ្មែរ០៧សន្លឹក និងឆេះសម្ភារ:ប្រើប្រាស់អស់មួយចំនួន។ សមត្ថកិច្ចបន្តថា មូលហេតុ បណ្ដាលមកពីឆ្លងចរន្តអគ្គិសនី ៕

មតិយោបល់