ភ្នំពេញ: ករណីគ្រោះថ្នាក់ចរាចរណ៍មួយដែលរថយន្តហាយលែនឌ័រ សង្ស័យអ្នកបើកបរងោកមួយភាំង ទើបរេចង្កូតឡើងលើសួនច្បារនៅចិញ្ចើមផ្លូវ បណ្តាលឲ្យបុករថយន្តចតស្ងៀមខូចខាតអស់ ២គ្រឿងទៀតអស់ល្បឿនទៅមុខលែងរួច។

ហេតុការណ៍ខាងលើបង្កការភ្ញាក់ផ្អើលកាលពីវេលាម៉ោង ១និង២០នាទីរសៀលថ្ងៃទី៩ ខែមិថុនា ឆ្នាំ២០២២ ទីតាំងកន្លែងកើតហេតុស្ថិតនៅតាមបណ្តោយផ្លូវសហព័ន្ធរុស្ស៊ី ភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មាននៅទីតាំងកន្លែងកើតហេតុបាមឲ្យដឹងថា ដំបូងគេបានឃើញរថយន្តម៉ាកហាយលែនឌ័រមួយគ្រឿង ពាក់ស្លាកលេខ ភ្នំពេញ 2V-4090 ធ្វើដំណើរក្នុងទិសដៅពីលិចទៅកើតរហូតមកដល់ចំណុចកើតហេតុ សង្ស័យអ្នកបើកបរងោកមួយភាំង ទើបរេចង្កូតឡើងលើសួនច្បារ និងជ្រុលទៅបុករថយន្តលុចស្សីសRX300 ២គ្រឿងដែលកំពុងចតស្ងៀម ដែលគ្រឿងទី១ពាក់ស្លាកលេខ ភ្នំពេញ 2AI-1263 និងមួយគ្រឿងទៀត ពាក់ស្លកលេខ ភ្នំពេញ2K-7308 បណ្តាលឲ្យរងការខូចខាតយ៉ាងដំណំ ចំណែករថយន្តបង្កអស់ល្បឿនទៅមុខលែងរួច។

ក្រោយពេលកើតហេតុភាគីទាំង៣ ព្រមធ្វើការសម្របសម្រួលគ្នានៅ និងកន្លែងដោយភាគីបង្កព្រមចេញថ្លៃជួសជុល ដើម្បីបញ្ចប់រឿងនៅនិងកន្លែងតែម្តង៕