ភ្នំពេញ: យោងតាមផេកស្នងការដ្ឋាននគរបាលជាតិបានឲ្យដឹងថា នៅថ្ងៃទី១៥ ខែមិថុនា ឆ្នាំ២០២២ វេលាម៉ោង ១២និង០០នាទី កម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានស្រាវជ្រាវឃាត់ខ្លួនជនសង្ស័យជាបន្តបន្ទាប់ចំនួន ០២នាក់ នៅចំណុចមុខផ្ទះជួលគ្មានលេខផ្លូវ៩៣ ភូមិផ្សារតូច សង្កាត់ឬស្សីកែវ រាជធានីភ្នំពេញ ពាក់ព័ន្ធករណីលួចកុំព្យូទ័រឡេបថប់ ប្រព្រឹត្តនៅចំណុចក្នុងសាលាELT អគារលេខ៧អឺ០ និង៩អឺ០ ផ្លូវលេខ១៣៦ ភូមិ២ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ កាលពីថ្ងៃទី០៦ ខែមិថុនា ឆ្នាំ២០២២ វេលាម៉ោង០១:០០ នាទីរំលងអាធ្រាត្រ។

ជនរងគ្រោះជនរងគ្រោះឈ្មោះ ឆេង វិសាល ភេទប្រុស អាយុ ៣១ឆ្នាំ ជនជាតិ ខ្មែរ មុខរបរ អ្នកគ្រប់គ្រងផ្នែករដ្ឋបាលសាលាELT ស្នាក់នៅផ្ទះគ្មានលេខ ផ្លូវលំ ភូមិបឹងធំ សង្កាត់បឹងធំ ខណ្ឌកំបូល រាជធានីភ្នំពេញ។

ជនសង្ស័យឃាត់ខ្លួនចំនួន ០២នាក់៖
១- ឈ្មោះ គង់ សុវណ្ណារ៉ា ហៅ ពយ ភេទប្រុស ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះជួលគ្មានលេខ ផ្លូវលេខ៩៣ ភូមិផ្សារតូច សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។
២- ឈ្មោះ គង់ ស្រីនាង ភេទស្រី អាយុ ២១ឆ្នាំ ជនជាតិ ខ្មែរ មុខរបរ រើសអេតចាយ ស្នាក់នៅផ្ទះជួលគ្មានលេខ ផ្លូវលេខ៩៣ ភូមិផ្សារតូច សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។

ភស្តុតាងចាប់យក៖ កុំព្យូទ័រឡេបថប់ម៉ាក M.S.T ពណ៌ ខ្មៅ ចំនួន ០១ គ្រឿង។
សម្ភារ:បាត់បង់៖ កុំព្យូទ័រឡេបថប់ម៉ាកM.S.T ពណ៌ខ្មៅ ចំនួន០២គ្រឿង និងទូរសព្ទ័ដៃម៉ាកអាយហ្វូន ចំនួន០២គ្រឿង, ប្រដាប់ផ្ទុកឯកសារកុំព្យូទ័រចំនួន០៤ដុំ និងប្រាក់រៀលចំនួន៣០០,០០០រៀល

បច្ចុប្បន្នជនសង្ស័យ និងវត្ថុតាងខាងលើ កម្លាំងជំនាញការិយាល័យកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធីច្បាប់៕