ព័ត៌មានជាតិ

គ្រោះថ្នាក់ទៀតហើយ​ ករណីរថយន្តទំនើប ២គ្រឿង បុកគ្នាលើផ្លូវល្បឿនលឿន​ បណ្ដាលឲ្យមានមនុស្សរងរបួស

កំពង់ស្ពឺ: យោងតាមផេកស្នងការដ្ឋាននគរបាលខេត្តកំពង់ស្ពឺបានឲ្យដឹងថា ព្រឹត្តិការណ៍​គ្រោះថ្នាក់​ចរាចរណ៍​នៅលើផ្លូវ​ល្បឿ​នលឿន​ រាជធានី​ភ្នំពេញ- ខេត្ត​ព្រះសីហ​នុ​ ស្ថិត​នៅ​ចន្លោះ​គីឡូម៉ែត្រ​លេខ​៦៦-៦៧​ ត្រង់ចំណុចភូមិកុមារពេទ្យ ឃុំអូរ ស្រុកភ្នំស្រួច​ ខេត្តកំពង់ស្ពឹ​
បង្កឡើង​រវាង​រថយន្ត​ ALPHARD ពណ៌ខ្មៅ ពាក់​ស្លាក​លេ​ខ​ ភ្នំពេញ ​2BQ-7666 អ្នកបើកបរមិនស្គាល់អត្តស​ញ្ញាណ​ មានអ្នករួមដំណើរ១នាក់ស្រី មិនទាន់ស្គាល់អត្ត​សញ្ញា​ណ បើកបរពីទិសខា​ងលិ​ចទៅទិស​ខា​ងកើត​នៅចំណែកផ្លូវខាងស្ដាំដៃ​ លុះមកដ ល់ចំណុចកើតហេតុបានបើកប្តូរទិសដៅពីផ្លូវបិទខាងឆ្វេងចូលមកផ្លូវបើកខាង​ស្តាំ រួចបានបុករថ​យន្ត០១គ្រឿងទៀត ម៉ាក ALPHARD​ ពណ៌ស ពា​ក់ស្លាកលេខ ព្រះសីហនុ 2D-9666 អ្នកបើ​ក​បរមិ​នស្គាល់អត្តសញ្ញាណ។

តាមការផ្ដល់ព័ត៌មាន​ពី​ លោកវរសេនីយ៍ទោ​ ពៅ​ នឿន​ អធិការ​ទទួល​សណ្ដាប់​ធ្នាប់​ នៃអធិការដ្ឋាន​នគរបាល​ស្រុក​ភ្នំស្រួច​ បានឲ្យដឹងថាក្នុង​ហេតុ​ការណ៍​គ្រោះ​ថ្នាក់​ចរាចរណ៍​ខាងលើ​ រថយន្ត​ទំនើប​ទាំង ២គ្រឿង​ បើកបរក្នុងទិសដៅបញ្រ្ចាស​គ្នា ប​ណ្តាលឲ្យគ្រោះថ្នាក់អ្នកបើកបរនិងអ្នករួមដំ​ណើរ​ ជាជនបរទេស​ ប៉ុន្តែ​មិនស្គាល់​ឈ្មោះ​។

សមត្ថកិច្ច​ន​គរបាល​ចរាចរណ៍​កំពុង​ជួយ​សង្គ្រោះ​និងបញ្ជូនជនរងគ្រោះទៅកាន់មន្ទីរពេទ្យ…។
រីឯ​វត្ថុតាងរថយន្ត​ទាំង០២គ្រឿ​ង​ ​​នគរបា​លកំពុងស្ទូ​ចយកទៅមករក្សាទុក​បណ្ដោះអាសន្ន​ នៅ​អធិការដ្ឋាននគរបាលស្រុកភ្នំស្រួច៕

មតិយោបល់