ក្រចេះ: នៅវេលាម៉ោង០៧និង៤០នាទីព្រឹកថ្ងៃទី២៦ ខែសីហា ឆ្នាំ២០២២ មានករណីអគ្គិភ័យ មួយបានកើតឡើង បណ្ដាលឲ្យឆេះផ្ទះចំនួន០១ខ្នង ទំហំ០៧ x ០៩ ម៉ែត្រ ធ្វើអំពីឈើ ប្រក់ស័ង្កសី ឆេះអស់ទាំងស្រុង ស្ថិតនៅចំណុចភូមិសំរ៉ង ឃុំឃ្សឹម ស្រុកស្នួល ខេត្តក្រចេះ ។

ម្ចាស់ផ្ទះឈ្មោះ លាង លឿន ភេទប្រុស អាយុ ៦៦ ឆ្នាំ ជនជាតិខ្មែរ និងប្រពន្ធឈ្មោះ ធាម សំ អាយុ ៤៦ ឆ្នាំ ជនជាតិខ្មែរ ។

ខូចខាតរួមមាន៖
– ឆេះប្រាក់រៀលអស់ចំនួន ១.០០០.០០០ រៀល
– ឆេះប្រាក់ដុល្លារ ចំនួន ២០០០ ដុល្លារ
– មាសចំនួន០៣ ជី
– ប្លាកទីនចំនួន០៥ ជី
– អង្ករចំនួន ០១ បេ
– សៀវភៅគ្រួសារ
– សៀវភៅស្នាក់នៅ
– អត្តសញ្ញាណប័ណ្ណ សញ្ជាតិខ្មែរ
– កាតចាក់វ៉ាក់សាំងកូវីដ១៩ និងសម្ភារ:ប្រើប្រាស់មួយចំនួនទៀត សរុបជាទឹកប្រាក់ អស់ប្រហែល ៩០០០ ដុល្លារ ។

មូលហេតុ៖ បណ្ដាលមកពីភ្លើងចង្រ្កានដាំបាយ ។

ករណីខាងលើនេះ រថយន្តពន្លត់អគ្គិភ័យ របស់អធិការដ្ឋាននគរបាលស្រុកស្នួល បានចេញអន្តរាគមន៍បាញ់ពន្លត់ ធ្វើឲ្យរលត់ទាំងស្រុង ដោយប្រើប្រាស់ទឹកអស់ចំនួន ០១ រថយន្ត និងរថយន្ដដឹកទឹករបស់បងប្អូនប្រជាពលរដ្ឋ ចំនួន០២ រថយន្ត ៕