-

បង្ក្រាប​ករណី​ដឹក​ជញ្ជូន និង​ជួញដូរសារធាតុញៀន​ឆ្លង​ដែន​ ឃាត់ខ្លួន​ជនសង្ស័យម្នាក់ រួមទាំងវត្ថុតាង​ជាង​១០០​គីឡូក្រាម​

ភ្នំពេញ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ​អនុវត្ត​តាម​បញ្ជា​ ឯកឧត្តម​ នាយ​ឧត្ដម​សេនិយ៍​ សន្តិ​បណ្ឌិត​ នេ​ត​ សា​វឿ​ន​ អគ្គស្នងការ​នគរបាល​ជាតិ​ និង​ ឯកឧត្តម​ នាយ​ឧត្ដម​សេនិយ៍​ ម៉ក់​ ជី​តូ​ អគ្គស្នងការ​រង​ទទួល​ផែន​ប្រឆាំង​បទល្មើស​គ្រឿងញៀន​ ក្រោម​ការ​បញ្ជា​ដឹកនាំ​ផ្ទាល់​ របស់​ឯកឧត្តម​ ឧត្ដមសេនីយ៍ឯក​ ឡឹ​ក​ វណ្ណ:​ នាយក​មន្ទីរ​ប្រឆាំង​បទល្មើស​គ្រឿងញៀន​ ។​

​នៅ​ថ្ងៃ​ទី​៣០​ ខែសីហា​ ឆ្នាំ​២០២២​ វេលា​ម៉ោង​១២​និង​៣២​នាទី​ កម្លាំង​ជំនាញ ​(​ក​៩)​ នៃ​មន្ទីរ​ប្រឆាំង​បទល្មើស​គ្រឿងញៀន​ ដឹកនាំ​ដោយ​លោក​ឧត្តមសេនីយ៍ទោ​ យិ​ន​ បញ្ញា​រិ​ទ្ធ​ ,​លោក​ ឧត្តមសេនីយ៍ទោ​ អ៊ិ​ន​ សុង​,​ លោក​វរសេនីយ៍ឯក​ ដុស​វ​ណ្ណា​ សុ​វឌ្ឍន​:​ នាយករង​មន្ទីរ​ និង​លោក​វរសេនីយ៍ឯក​ ឌុ​ក​ មក​រា​ នាយការិយាល័យ​ (​ក​៩)​ និង​មានការ​ចូលរួម​ពី​ស្នងការដ្ឋាន​នគរបាល​ខេត្តព្រះវិហារ​ ខេត្ត​ស្ទឹង​ត្រែ​ និង​ខេត្ត​ព្រះ​សីហ​នុ​ ព្រមទាំង​មានការ​សម្របសម្រួល​ពី​ ឯកឧត្តម​ ទី​ សុ​វិ​ន​ថា​ល់​.​ ឯកឧត្តម​ ជេ​ត​ ខេមរា​ ព្រះរាជអាជ្ញា​នៃ​អយ្យការ​អម​សាលាដំបូង​ខេត្តព្រះវិហារ​-​ខេត្តស្ទឹងត្រែង​ និង​លោក​ ហួត​ វិចិត្រ​ ព្រះរាជអាជ្ញា​រង​ នៃ​អយ្យការ​អម​សាលាដំបូង​ខេត្ត​ព្រះ​សីហ​នុ​ បាន​ធ្វើការ​ស៊ើបអង្កេត​ស្រាវជ្រាវ​បង្ក្រាប​:​ នៅ​ចំណុច​ ផ្លូវ​ដើមឈើ​ចាំ​ស្នេហ៍​ ស្ថិត​ក្នុងភូមិ​គគី​ ឃុំ​បិត​ត្រាង​ ស្រុក​ព្រៃ​នប់​ ខេត្ត​ព្រះ​សីហ​នុ​ ។​

​ក្នុង​ប្រតិបត្តិការ​ខាងលើ​ សមត្ថកិច្ច​បាន​ឃាត់​ជនសង្ស័យ​ម្នាក់​ឈ្មោះ​ TU​ SUERONG​ ភេទ​ប្រុស​ អាយុ​៣៦​ឆ្នាំ​ ជនជាតិ​ចិន​ ។​

​វត្ថុ​តាង​ចាប់​យក​មាន​៖​ -​កេ​តា​មីន ​(KETAMINE)​ ១០០​ដុំ​ ស្មើ​ទម្ងន់​ ១០០​គីឡូក្រាម​ និង​៨០​ក្រាម​ និង​រថយន្ត​០១​គ្រឿង​ -​ទូរ​ស័ព្ទ​ដៃ​ ០១​គ្រឿង​ ។​

​បច្ចុប្បន្ន​ ជនសង្ស័យ​ និង​វត្ថុ​តាង​ខាងលើ​ សមត្ថកិច្ច​ជំនាញ​បាន​បញ្ជូន​ទៅ​ស្នងការ ​DJAN​ នគរបាល​ខេត្តព្រះវិហារ​ ដើម្បី​កសាង​សំណុំរឿង​ បន្ត​ទៅ​សាលាដំបូង​ខេត្តព្រះវិហារ​តាម​នីតិវិធី​ ៕

មតិយោបល់