ព័ត៌មានជាតិ

​ល្បែងស៊ីសង​តាម​ប្រព័ន្ធ​អន​ឡាញ​១​កន្លែង ត្រូវកម្លាំងសមត្ថកិច្ចចម្រុះចុះបង្រ្កាប ​និងធ្វើការឃាត់​ខ្លួ​នមនុស្ស​ចំនួន០៩​នាក់​

​បន្ទាយ​មាន​ជ័យ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា​ នៅ​ថ្ងៃ​ព្រហស្បតិ៍​ ១២​រោច​ ខែភទ្របទ​ ឆ្នាំខាល​ ចត្វា​ស័ក​ ព​.​ស.​២៥៦៦​ ត្រូវ​នឹង​ថ្ងៃ​ទី​២២​ ខែកញ្ញា​ ឆ្នាំ​២០២២​ វេលា​ម៉ោង​១១​និង​០០​នាទី​ ក្រុមការងារ​បង្ក្រាប​ល្បែងស៊ីសង​ខុសច្បាប់​គ្រប់​ប្រភេទ​ ដឹកនាំ​ដោយ​ លោក​ សំ​រិ​ទ្ធ​ សុ​ខុន​ ព្រះរាជអាជ្ញា​រង​ អម​សាលាដំបូង​ខេត្តបន្ទាយមានជ័យ​ សមាសភាព​ចូលរួម​មាន​៖

១-​ លោក​ គាត់​ ហ៊ុ​ល​ អភិបាល​ នៃ​គណ​:​អភិបាលក្រុង​ប៉ោយ​ប៉ែ​ត​ ។ ២-​ លោក​វរសេនីយ៍ឯក​ គង់​ ប៉េង​លី​ ស្នងការ​រង​ជំនួយ​ដឹកនាំ​ការិយាល័យ​ស៊ើបអង្កេត​ និង​ អនុវត្តន៍​នីតិវិធី​ ។ ៣-​ លោក​វរសេនីយ៍ទោ​ ព្រហ្ម​ ពិសិដ្ឋ​ អធិការ​ (​ស្តីទី​)​ក្រុង​ប៉ោយ​ប៉ែ​ត​ ។ ៤-​ លោក​វរសេនីយ៍ត្រី​ នួន​ នី​ណា​រ៉ូ​ មេបញ្ជាការ​កងរាជអាវុធហត្ថ​ក្រុង​ប៉ោយ​ប៉ែ​ត​ ។ ៥-​ លោក​វរសេនីយ៍ទោ​ សុខ​ ភក្តី​ អធិការរង​ ជំនួយការ​ដឹកនាំ​ផ្នែក​គ្រប់គ្រង​ជនបរទេស​ នៃ​អធិការដ្ឋាន​នគរបាល​ក្រុង​ប៉ោយ​ប៉ែ​ត ​។​

​ក្រុមការងារ​ចម្រុះ​ខាងលើ ​បាន​ចុះ​បង្ក្រាប​ទីតាំង​ អន​ឡាញ​ ចំនួន​ ០១​កន្លែង​ ស្ថិត​នៅផ្ទះ​លេខ​ K​ ៣១​ (​បុរី​ដួង​ច័ន្ទ​)​ ស្ថិត​ក្នុងភូមិ​ សាមគ្គី​មាន​ជ័យ​ សង្កាត់​អូរ​ជ្រៅ​ ក្រុង​ប៉ោយ​ប៉ែ​ត​ ខេត្តបន្ទាយមានជ័យ​ បាន​ធ្វើការ​ត្រួតពិនិត្យ​ ឃាត់ខ្លួន​ និង​ដកហូត​វត្ថុ​តាង​ ដូច​ខាងក្រោម​៖​

១-​ឃាត់ខ្លួន​មនុស្ស​ចំនួន​០៩​នាក់​ ស្រី​០២​នាក់​ ជន​ជាតិចិន​ចំនួន​០៨​នាក់​ (​ស្រី​០១​នាក់​)​ ជនជាតិ​ខ្មែរ​ចំនួន​០១​នាក់​ (​ស្រី​) ​។​ ២-​ កំ​ព្យូ​ទ័​រ​ចំនួន​០៨​ឈុត​ (​នៅ​លើ​តុ​)​ ៤ ​ឈុត​(​អត់​ប្រើ​)​ សរុប​ចំនួន​១២​ឈុត ​។​ ៣-​ ទូរស័ព្ទ​ដៃ​ចំនួន​១៧​គ្រឿង ​។​ ៤-​ លេប​ថប​ចំនួន​ ០២​គឿ​ង​ ។​ ៥-​ អាយ​ផេ​ត​ចំនួន​ ០១​គ្រឿង ​។​ ៦-​ ទូដែក​ចំនួន​ ០៣ ​។​ ៧-​ រថយន្ត​ចំនួន​ ០២​គ្រឿង​ ម៉ាក​:​ -​ម៉ាក​សេ​ដេ​ស​ (MERCEDES​ BENZ​ C៣០០)​ ពណ៌​ស​ ពាក់​ស្លាក​លេខ​ ភ្នំពេញ​ ២BV:​ ៧០៦៦​ ផលិត​ឆ្នាំ​ ២០១៥​ -​ម៉ាក​ តូ​យ៉ូ​តា​ អាល់​ផាត​(TOYOTA​ ALPHARD)​ ពណ៌​ស​ ពាក់​ស្លាក​លេខ​ ភ្នំពេញ​ ២AX:​ ៧១៨៧​ ផលិត​ឆ្នាំ​ ២០ ។

​បច្ចុប្បន្ន​ ជនសង្ស័យ​ទាំង​៩​នាក់​ ត្រូវ​បាន​យក​មក​ធ្វើការ​សួរនាំ ​នៅ​អធិការដ្ឋាន​នគរបាល​ក្រុង​ប៉ោយ​ប៉ែ​ត​ ដើម្បី​មាន​វិធានការ​បន្ត​ ៕

មតិយោបល់