Post News Media ព័ត៌មានជាតិ គយឡោមព័ទ្ធឃ្ល...

គយឡោមព័ទ្ធឃ្លាំងស្តុកទំនិញរបស់លោកអធិការក្រុងសិរីសោភ័ណ

បន្ទាយមានជ័យ: សមត្ថកិច្ចគយ និងរដ្ឋាករខេត្តបន្ទាយមានជ័យនៅព្រឹកថ្ងៃទី២៥ ខែសីហា ឆ្នាំ២០១៦នេះបានដាក់កម្លាំងពង្រាយឡោមព័ទ្ធនៅតាមឃ្លាំងស្តុកទំនិញធំៗចំនួន៨ ដែលសង្ស័យថា មានស្តុកទំនិញមិនបានបង់ពន្ធត្រឹមត្រូវតាមច្បាប់។

សូមបញ្ជាក់ថា ក្នុងចំណោមឃ្លាំងស្តុកទំនិញទាំងនោះមានឃ្លាំងធំចំនួនពីរដែលជាកម្មសិទ្ធិរបស់លោក ស៊ីវ សុជាតិ អធិការក្រុងសិរីសោភ័ណ ក៏ត្រូវបានសមត្ថកិច្ចគយឡោមពទ្ធ័ធ្វើការឆែកឆេរផងដែរ។ ក្នុងខណ:ដែលកម្លាំងគយកំពុងធ្វើការឆែកឆេរឃ្លាំងរបស់លោក ស៊ីវ សុជាតិ ត្រូវបានរារាំងមិនអ្នកកាសែតចូលទៅយករូបភាព និងទទួលព័ត៌មានឡើយ សង្ស័យមានទំនិញគេចពន្ធច្រើន ដោយឲ្យតែមន្ត្រីគយចូលទៅឆែកឆេរប៉ុណ្ណោះ។

ដោយឡែកភរិយារបស់លោក ស៊ីវ សុជាតិ បានប្រាប់មន្ត្រីគយថា រាល់ទំនិញទាំងអស់នៅក្នុងឃ្លាំងរបស់គាត់ មិនអាចហោះមកពីព្រំដែនចូលក្នុងឃ្លាំងបានទេ អ៊ីចឹងលុះត្រាតែមានការអនុញ្ញាត និងបើកពីមន្ត្រីគយនៅតាមបណ្ដាផ្លូវ ទើបទំនិញទាំងនេះចូលមកដល់ឃ្លាំងគាត់ ដូច្នេះក្នុងប្រតិបត្តិការនេះ ហាក់ដូចជាមានការលាក់លៀមពីផ្នែកមហាជន។

ទាក់ទិននឹងការឆែកឆេរឃ្លាំងស្ដុកទំនិញខាងលើ ព័ត៌មានលម្អិត Post News នឹងផ្សាយនៅពេលក្រោយ៖

ពិនិត្យឃ្លាំងទំនិញ (6)

ពិនិត្យឃ្លាំងទំនិញ (1)

ពិនិត្យឃ្លាំងទំនិញ (2)

ពិនិត្យឃ្លាំងទំនិញ (3)

ពិនិត្យឃ្លាំងទំនិញ (4)

ពិនិត្យឃ្លាំងទំនិញ (5)