កណ្ដាលៈ យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា ថ្ងៃទី១៧ ខែតុលា ឆ្នាំ២០២២ វេលាម៉ោង ២១និង ០០នាទី មានករណីអំពើលួច (ម៉ូតូ) នៅចំណុចផ្ទះជួលភូមិត្រពាំងប្រុយ ឃុំបែកចាន ស្រុកអង្គស្នួល ខេត្តកណ្តាល។
ជនសង្ស័យឈ្មោះ ម៉ន បារាំង ភេទប្រុស អាយុ ១៩ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅស្នាក់នៅភូមិតាកេរ៍២ សង្កាត់កំបូល ខណ្ឌកំបូល រាជធានីភ្នំពេញ (ឃាត់ខ្លួន) ។
វត្ថុតាងចាប់យក៖ ម៉ូតូមួយគ្រឿងម៉ាក Honda Beat (ហុងដាប៊ីត) ពណ៌ខៀវ-ស ពាក់ស្លាកលេខ ភ្នំពេញ 1IN-2405 ផលិតឆ្នាំ២០២១ លេខតួCH110C-90G3451 លេខម៉ាស៊ីនJF96E 9018792 និងទូរសព្ទ័ដៃមួយគ្រឿងម៉ាក I phone 6 plus ពណ៌ទឹកប្រាក់។
នៅវេលាម៉ោងកើតហេតុខាងលើជនរងគ្រោះបានចេញពីធ្វើការវិញ ហើយងូតទឹកនិងហូបបាយជាមួយជនសង្ស័យ (ជាគូសង្សារ) នៅបន្ទប់ផ្ទះជួលរបស់ជនរងគ្រោះនៅភូមិត្រពាំងប្រុយ ឃុំបែកចាន ។ ហូបបាយរួចហើយជនរងគ្រោះបានចូលទៅក្នុងបន្ទប់ទឹក ពេលនោះបានឮសូរសំឡេងម៉ូតូជិះចេញទៅក្រៅ ជនរងគ្រោះរត់ចេញទៅមើល ស្រាប់តែបាត់ជនសង្ស័យនិងម៉ូតូរបស់ខ្លួន ។ ជនរងគ្រោះគិតថា ជនសង្ស័យជិះម៉ូតូទៅមានការនៅខាងក្រៅហើយ ដោយមិនឃើញត្រឡប់មកវិញ យូរពេកជនរងគ្រោះបានតេទៅជនសង្ស័យតែមិនលើកទូរស័ព្ទ ជនរងគ្រោះក៏បានចូលដេក។
-រហូតដល់ថ្ងៃទី១៨ ខែតុលា ឆ្នាំ២០២២ ជនរងគ្រោះក៏នៅបន្តទាក់ទងទៅជនសង្ស័យ តែមិនបានដំណឹងក៏បានសម្រេចចិត្តមកដាក់ពាក្យដណ្ដឹងនៅប៉ុស្តិ៍នគរបាលរដ្ឋបាលបែកចាន នៃអធិការដ្ឋាននគរបាលស្រុកអង្គស្នួល តាមនីតិវិធីច្បាប់។
-លុះរហូតមកដល់ថ្ងៃទី២៦ ខែតុលា ឆ្នាំ២០២២ ជនសង្សយ័ក៏ត្រូវបានកម្លាំងប៉ុស្តិ៍នគរបាលរដ្ឋបាលចតុមុខ នៃអធិការដ្ឋាននគរបាលខណ្ឌដូនពេញ ចាប់ខ្លួនជនសង្ស័យ និងប្រគល់ជូនកម្លាំងជំនាញនគរបាលយុត្តិធម៌នៃអធិការដ្ឋាននគរបាលស្រុកអង្គស្នួល ។
បច្ចុប្បន្នជនសង្ស័យត្រូវបានបញ្ជូនមកកាន់អធិការដ្ឋាននគរបាលស្រុកអង្គស្នួល ដើម្បីបន្តនីតិវិធី៕
មតិយោបល់