តាកែវ: យោងតាមផេកអធិការដ្ឋាននគរបាល ស្រុកទ្រាំងបានឲ្យដឹងថា នៅថ្ងៃព្រហស្បតិ៍៣កើត ខែ កត្ដិក ឆ្នាំ ខាល ចត្វាស័ក ព.ស ២៥៦៦ ត្រូវនឹងថ្ងៃទី ២៧ ខែតុលា ឆ្នាំ២០២២ ដោយមានការអនុវត្តន៍យ៉ាងម៉ឺងម៉ាត់របស់ លោក ឧត្ដមសេនីយ៍ ឈាង ផាន់ណារ៉ា ស្នងការនគរបាលខេត្តតាកែវ ដោយមានការចង្អុលបង្ហាញពី លោក វរ:សេនីយ៍ឯក ឃុត ភិន អធិការនៃអធិការដ្ឋាននគរបាលស្រុកទ្រាំងកម្លាំងជំនាញ ចុះល្បាតតាមភូមិសាស្រ្តសំខាន់ៗក្នុងឃុំជីខ្មា និងសហការជាមួយកម្លាំងប៉ុស្តិ៍នគរបាលរដ្ឋបាលជីខ្មា នៅវេលាម៉ោង ១១និង៣០នាទីបានធ្វើការឃាត់ខ្លួនជនសង្ស័យ០១នាក់ឈ្មោះ សួង វុទ្ធី ភេទប្រុស អាយុ ២៩ឆ្នាំ រស់នៅភូមិបន្ទាយ ឃុំជីខ្មា ស្រុកទ្រាំង ខេត្តតាកែវ មុខរបរមិនពិតប្រាកដ ។ ដកហូតបានម្សៅក្រាមពណ៌សថ្លាសង្ស័យជាសារធាតុញៀនចំនួន ០១ កញ្ចប់ ឈ្មោះ សួង វុទ្ធី នេះបង្កអុកឡុកនៅក្នុងមូលដ្ឋាននិងបំផ្លិចបំផ្លាញទ្រព្យសម្បត្តិក្នុងផ្ទះ។
ករណីនេះ កម្លាំងជំនាញកំពុងកសាងសំណុំរឿងតាមនីតិវិធីច្បាប់៕
មតិយោបល់