កណ្ដាល: យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា ថ្ងៃអាទិត្យ ៤កើត ខែមិគសិរ ឆ្នាំខាល ចត្វាស័ក ព.ស. ២៥៦៦ ត្រូវថ្ងៃទី ០៤ ខែធ្នូ ឆ្នាំ២០២២ វេលាម៉ោង ១៦និង១០នាទី នៅចំណុចក្រោមស្ពានឆ្លងរំលងផ្លូវល្បឿនលឿន ភូមិត្រពាំងសុព័រ ឃុំឆក់ឈើនាង ស្រុកអង្គស្នួល ខេត្តកណ្តាល ជនរងគ្រោះ០១នាក់៖
-ឈ្មោះ ណយ សារ៉ន ភេទប្រុស អាយុ ៣០ ឆ្នាំ មុខរបរ កម្មកររោងចក្រ ស្នាក់នៅភូមិព្រៃរការ ឃុំឆក់ឈើនាង ស្រុកអង្គស្នួល ខេត្តកណ្តាល ។ ជនសង្ស័យ០៣នាក់ប្រុស(ឃាត់ខ្លួន០១នាក់)៖ ១-ឈ្មោះ ម៉ៅ សំនៀង ភេទប្រុស អាយុ ២២ ឆ្នាំ ជនជាតិខ្មែរ មុខរបរ មិនពិតប្រាកដ នៅភូមិត្រពាំងសុព័រ ឃុំឆក់ឈើនាង ស្រុកអង្គស្នួល ខេត្តកណ្តាល ( ឃាត់ខ្លួនថ្ងៃទី០៥.១២.២០២២) ។
វត្ថុតាងចាប់យក៖ គ្មាន ។
សម្ភារ:បាត់បង់៖ ម៉ូតូ០១គ្រឿង ម៉ាកហុងដាដ្រីម ព៌ណខ្មៅ ស៊េរីឆ្នាំ ២០១៨ ផ្លាកលេខ កំពង់ឆ្នាំង ១H-២៥៨៦ ។
សភាពរឿងហេតុ៖ នៅមុនពេលកើតហេតុ ជនរងគ្រោះនិងប្រពន្ធបានធ្វើដំណើរចេញពីបន្ទប់ជួល ដែលស្ថិតនៅភូមិព្រៃរការ ឃុំឆក់ឈើនាង សំដៅមកបង់សំណាញ់រកត្រីនៅក្បែរផ្លូវល្បឿនលឿន ។ ជនរងគ្រោះបានចាក់សោកម៉ូតូ រួចបានទុកនៅខាងក្រោមស្ពានឆ្លងរំលងផ្លូវល្បឿនលឿន ដើម្បីដើរបង់សំណាញ់តាមប្រឡាយក្បែរៗនោះទៅទិសខាងលិចរហូតដល់ម៉ោង១៦ និង១០នាទី ទើបត្រឡប់មកវិញបានឃើញជនសង្ស័យចំនួន០៣នាក់ ជិះម៉ូតូ០១គ្រឿង ម៉ាក វ៉េវ (Wave ) ពណ៌ខ្មៅ មិនចាំផ្លាកលេខ បានធ្វើសកម្មភាពកាច់សោកម៉ូតូរបស់ជនរងគ្រោះ ហើយជិះទៅយ៉ាងលឿន ចូលតាមផ្លូវក្នុងភូមិត្រពាំងសុព័រ សំដៅទៅទិសខាងលិច ។ ពេលនោះជនរងគ្រោះ បានរត់ដេញតាមក្រោយហើយបានស្រែកថាចោរ ឱ្យគេជួយដេញតាមចាប់ផងដែរ តែដេញតាមពុំទាន់ទេព្រោះបើកម៉ូតូយ៉ាងលឿន ។
ក្រោយពីទទួលបានព័ត៌មានបានភ្លាម កម្លាំងសមត្ថកិច្ចបានចុះដល់កន្លែងកើតហេតុ ធ្វើការស្រាវជ្រាវ ស៊ើបអង្កេត រហូតដល់ថ្ងៃទី០៥.១២.២០២២ វេលាម៉ោង១៦និង២០នាទី ទើបឃាត់ខ្លួនជនសង្ស័យបាន១នាក់ នៅចំណុចភូមិត្រពាំងសុព័រ ។
ជនសង្ស័យបានសារភាពថា ពួកខ្លួនទាំង៣នាក់ ពិតជាបានធ្វើសកម្មភាពកាច់សោកម៉ូតូរបស់ជនរងគ្រោះ ដែលបានទុកនៅក្រោមស្ពានឆ្លងរំលងផ្លូវល្បឿនលឿនមែន ប្រាកដមែន ហើយឈ្មោះ សម្បត្តិ សុខមាន និងឈ្មោះ លី វីឡា ប្រាប់ថាយកទៅលក់ ទុកខ្លួនឱ្យចុះដើរគេចទៅផ្ទះ ។
ចំពោះករណីនេះ កម្លាំងផ្នែកជនាញកំពុងកសាងសំណុំរឿងតាននីតិវិធីច្បាប់ ៕
មតិយោបល់