កំពង់ស្ពឺៈ យោងតាមផេកស្នងការដ្ឋាននគរបាលខេត្តកំពង់ស្ពឺបានឲ្យដឹងថា ករណីគ្រោះថ្នាក់ចរាចរណ៍ រថយន្តទេសចរណ៍បុកពីក្រោយរថយន្តក្រឡុកស៊ីម៉ង់
កាលពីយប់ថ្ងៃពុធ ១៣កើត ខែមិគសិរឆ្នាំខាល ចត្វាស័កព.ស២៥៦៦ ត្រូវនឹងថ្ងៃទី២១ ខែធ្នូ ឆ្នាំ២០២២វេលាម៉ោង ២១និង៤៦នាទី នៅផ្លូវល្បឿនលឿនចន្លោះគីឡូម៉ែត្រលេខ៥៣-៥៤ត្រង់ចំណុចភូមិត្រពាំងក្រឡឹង ឃុំគីរីវន្ត ស្រុកភ្នំស្រួច ខេត្តកំពង់ស្ពឺ ។
ហេតុការណ៍រថយន្ត ម៉ាក ហាយលែនឌ័រ ពណ៌ត្រីអ៊ី ពាក់ស្លាកលេខ 2AK-8269 បើកបរដោយឈ្មោះ មួង រុំ ភេទប្រុស អាយុ ៤៧ឆ្នាំ រស់នៅខេត្តកណ្ដាល អ្នករួមដំណើរ០១នាក់ ជនជាតិកូរ៉េ បើកបរពីទិសខាងលិចទៅកើត ក្នុងគន្លងឡាញផ្លូវល្បឿនលឿន មកដល់ចំណុចខាងលើបានបុកពីក្រោយរថយន្ត០១គ្រឿង ម៉ាកហ្វូតុន ក្រឡុកស៊ីម៉ង់ ពណ៌ស ពាក់ស្លាកលេខ AT22 5-0220 ជារថយន្ដក្រុមហ៊ុនវិនយោគក្នុងការបើកបរស្របទិសគ្នានេះប្រហែលមកការគេចចេញគន្លងឡាញល្បឿនមិនបានប្រុងប្រយ័ត្ន
បណ្តាលឲ្យគ្រោះថ្នាក់មនុស្ស និងខូចខាតរថយន្ដស្ទើរទាំងស្រុង។
វត្ថុតាងទាំងពីរយកទៅរក្សាទុកនៅបញ្ជាបង់ប្រាក់គីឡូម៉ែត្រលេខ២៦ក្រុមហ៊ុនផ្លូវល្បឿនលឿន ដើម្បីចាត់ការតាមនីតិវិធី៕
មតិយោបល់