បាត់ដំបង:កាលថ្ងៃ អង្គារខែពិសាខឆ្នាំថោះបញ្ចស័កព.ស.២៥៦៦ ត្រូវនឹងថ្ងៃទី ០២ ខែឧសភាឆ្នាំ២០២៣ វេលាម៉ោង ២១និង០០នាទីស្របតាមការដឹកនាំជាប់ជាប្រចាំរបស់លោកឧត្តមសេនី យ៍ទោ សារ គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ទោ យុត តុងហូ អធិការនគរបាលស្រុកសង្កែ បានដឹកនាំកម្លាំងក្នុងអង្គភាពធ្វេីសកម្មភាពល្បាតក្នុងភូមិសាស្រ្តទទួលខុសត្រូវនិងត្រួតពិនិត្យជាតិផ្ទុះ នៅចំណុចភូមិអូរមុនី១ ឃុំអន្លង់វិល ស្រុកសង្កែ ខេត្តបាត់ដំបង ស្រាប់តែប្រទះឃេីញបុរសម្នាក់ជិះម៉ូតូ ម៉ាកហុងដាឌ្រីម ស៊េរីឆ្នាំ២០១៥ ពណ៌ខៀវ ពុំមានស្លាកលេខ ហេីយពេលសមត្ថកិច្ចសុំពិនិត្យនិងសាកសួរបានដឹងថារូបគាត់ឈ្មោះ សុខ ឡាញ់ ភេទប្រុស អាយុ៤០ឆ្នាំ មានទីលំនៅភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង ហេីយចំពោះម៉ូតូដែលគាត់ជិះនេះគឺរូបគាត់បានលួចយកពីក្រុងប៉ោយប៉ែត ខេត្តបន្ទាយមានជ័យ
កាលពីថ្ងៃទី០២ខែ ឧសភា ឆ្នាំ២០២៣ វេលាម៉ោង១២និង០០នាទីហេីយជិះមកខេត្តបាត់ដំបង។នៅពេលនេះសមត្ថកិច្ចនគរបាលស្រុកសង្កែធ្វេីកំណត់ហេតុសាកសួរនិងផ្តល់ព័ត៌មានទៅអធិការដ្ឋាននគរបាលក្រុងប៉ោយប៉ែត ដេីម្បីចាត់ចែងទទួលយកនិងកសាងសំណុំរឿង តាមនីតិវិធីច្បាប់៕
ព័ត៌មានជាតិ
មតិយោបល់