កណ្ដាល:យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹង ថ្ងៃច័ន្ទ ៩រោច ខែជេស្ឋ ឆ្នាំថោះ ព.ស.២៥៦៧ ត្រូវនឹងថ្ងៃទី១២ ខែមិថុនា ឆ្នាំ២០២៣ វេលាម៉ោង១៤នឹង៣២នាទី នៅចំណុចក្រោមផ្ទះជនរងគ្រោះភូមិទួលទ្រា សង្កាត់ព្រែកក្មេង ក្រុងអរិយក្សត្រ ខេត្តកណ្តាល។
ជនរងគ្រោះ
.ឈ្មោះ ម៉ៅ សុភា ភេទស្រី អាយុ៣៧ឆ្នាំ ជនជាតិខ្មែរ មុខរបរ កសិករ ទីលំនៅបច្ចុប្បន្ន ភូមិទួលទ្រា សង្កាត់ព្រែកក្មេង ក្រុងអរិយក្សត្រ ខេត្តកណ្តាល។
ជនសង្ស័យចំនួន ០២ នាក់
១- ឈ្មោះ រឿ បញ្ញា ភេទប្រុស អាយុ ១៧ឆ្នាំ ជនជាតិ ខ្មែរ មុខរបរ រត់ផាស់អាប់ ទីលំនៅបច្ចុប្បន្ន ភូមិ២៤ សង្កាត់វាលវង់ ខណ្ឌ៧មករា រាជធានី ភ្នំពេញ (ឃាត់ខ្លួន)
-តេស្តទឹកនោមរកសារធាតុញៀន វិជ្ជមាន(+)
២- ឈ្មោះ រត្ន័ ភេទប្រុស អាយុប្រហែល ៣៦ ឆ្នាំ ជនជាតិខ្មែរ មុខរបរ មិនពិតប្រាកដ
ទីលំនៅបច្ចុប្បន្ន ម្តុំផ្លូវ២០០២ សង្កាត់អូរបែកក្អម ខណ្ឌសែនសុខ រាជធានី ភ្នំពេញ (គេចខ្លួន)
សំភារះបាត់បង់
១- ម៉ូតូម៉ាកHONDA C100 កូរ៉េ(ចាស់) ពណ៌ក្រហម ផ្លាកលេខ យ-3654 ភ.ព1 ចំនួន០១គ្រឿង
វត្ថុតាងចាប់យក
១-ផាស់អាប់ ពណ៍ស ពាក់ផ្លាកលេខ កណ្តាល 1AC-3145(របស់ជនសង្ស័យ)
២- ម៉ូតូម៉ាកHONDA C100 កូរ៉េ(ចាស់) ពណ៌ក្រហម ផ្លាកលេខ យ-3654 ភ.ព1 ចំនួន០១គ្រឿង (របស់ជនរងគ្រោះ)
សភាពរឿងហេតុ
ជនសង្ស័យឈ្មោះ រឿ បញ្ញា បានស្គាល់ឈ្មោះ រត័្ន ភេទប្រុស រយ:ពេលបួនឆ្នាំមកហើយ នៅពេលដែលមកស្នាក់នៅក្នុងបុរីកីឡា ភូមិ២៤ សង្កាត់វាលវង់ ខណ្ឌ៧មករា រាជធានីភ្នំពេញ ពេលដែលជនសង្ស័យ ឈ្មោះ រឿ បញ្ញា ស្គាល់គ្នាជាមួយឈ្មោះ រ័ត្ន គឺឃើញឈ្មោះ រ័ត្ន និងបក្សពួករបស់គេ តែងតែធ្វេីសកម្មភាព ជិះម៉ូតូចេញឆក់ទូរស័ព្ទ និងទ្រព្យសម្បត្តិរបស់ប្រជាពលរដ្ឋនៅតាមដងផ្លូវ។
លុះនៅថ្ងៃទី១២.០៦.២០២៣ វេលាម៉ោង០៩:០០នាទី ជនសង្ស័យឈ្មោះ រឿ បញ្ញា បានបេីកផាស់អាប់ដឹកឈ្មោះ រ័ត្ន ចេញពីបុរីកីឡា រាជធានីភ្នំពេញ ដោយបេីកឆ្លងតាម កំពង់ចម្លងស្វាយជ្រំ មកខាង 7NG ឃុំវិហារសួគ៌ ស្រុកខ្សាច់កណ្តាល ដើម្បីដើរលួចទ្រព្យសម្បត្តិរបស់ប្រជាពលរដ្ឋ ពេលធ្វើដំណើរមកដល់សង្កាត់បាក់ដាវ ក្រុងអរិយក្សត្រ ខេត្តកណ្តាលក៏បានចូលលេងផ្ទះបងស្រីរបស់គេឈ្មោះ រឿ គន្ធី បន្ទាប់មកជនសង្ស័យ និងឈ្មោះរ័ត្ន បានធ្វើដំណើរបន្តមកដល់ភូមិទួលទ្រា សង្កាត់ព្រែកក្មេង ក្រុងអរិយក្សត្រ ខេត្តកណ្តាល នៅវេលាម៉ោង ១៤នឹង៣២នាទី បានឃើញផ្ទះមួយមិនមានមនុស្សដោយទុកម៉ូតូម៉ាកHONDA C100កូរ៉េ (ចាស់)ពណ៌ក្រហមទុកនៅក្រោមផ្ទះ ពេលនោះជនសង្ស័យ ក៏បានឈប់ផាស់អាប់របស់គេ នៅមុខដីឡូត៍ទំនេររបស់ឈ្មោះ អុល ភី រួចដើរចូលទាំងពីរនាក់ធ្វើជាទៅកាប់ស្លឹកចេក ហេីយឈ្មោះ រ័ត្នបានប្រមូលស្លឹកចេកមកដាក់លើផាស់អាប រួចដើរចូលទៅវិញនិយាយថាទៅបេះផ្លែខ្នុរ ម្ចាស់ផ្ទះមិននៅទេចូលលួចម៉ូតូហេីយឲ្យជនសង្ស័យឈ្មោះ រឿ បញ្ញានៅមើលផ្លូវ ឈ្មោះ រ័ត្ន បានដើរចូលទៅក្នុងដីឡូត៍នោះទៅខាងក្រោយហើយដេីរចូលផ្ទះជនរងគ្រោះ ពីក្រោយមកវិញរួច បានធ្វើសកម្មភាព លួច យកម៉ូតូរបស់ជនរងគ្រោះ នៅក្រោមផ្ទះជិះចេញទៅបាត់ ចំណែកជនសង្ស័យឈ្មោះ រឿ បញ្ញា បានឡេីងជិះផាស់អាប បញ្ឆេះបំរុងបេីកគេចខ្លួនតែមិនឆេះ ក៏ត្រូវបានជនរងគ្រោះ ឈ្មោះ ម៉ៅ សុភា ភេទស្រី ស្រែកហៅប្រជាពលរដ្ឋមកជួយឃាត់ខ្លួនជនសង្ស័យឈ្មោះ រឿ បញ្ញា យកមកប្រគល់ឲ្យសមត្ថកិច្ច ប៉ុស្តិ៍នគរបាលរដ្ឋបាលសង្កាត់ព្រែកក្មេងតែម្តង។
នៅចំពោះមុខសមត្ថកិច្ចជនសង្ស័យបានសារថាកន្លងមកខ្លួនគេធ្លាប់ប្រើប្រាស់ថ្នាំញៀនហេីយត្រូវបាន ក្រុមគ្រួសារយកទៅដាក់មណ្ឌលអប់រំកែប្រែឱកាសខ្ញុំរយះពេល២ខែកន្លះម្តងហើយ និងធ្លាប់លួចទូរស័ព្ទជាមួយឈ្មោះ រ័ត្ន បានមួយលេីក។
នៅថ្ងៃទី១២.៦.២០២៣ វេលាម៉ោង ២១នឹង៣០នាទី ប្រជាពលរដ្ឋបានប្រទះឃើញ ម៉ូតូរបស់ជនរងគ្រោះ ទុកចោលនៅចំណុចផ្លូវចុះទៅស្រែប្រាំងក្បែររបងវត្តព្រែកជ្រូក ភូមិព្រែកជ្រូក សង្កាត់បាក់ដាវ ក្រុងអរិយក្សត្រ ហើយបានរាយការណ៍ជូនសមត្ថកិច្ច។
បច្ចុប្បន្ន ជនសង្ស័យបាននាំមកកាន់អធិការដ្ឋាននគរបាលក្រុងអរិយក្សត្រ ដើម្បីបន្តចាត់ការតាមនីតិវិធី ។
ព័ត៌មានជាតិ
មតិយោបល់