មណ្ឌលគិរី:យោងតាមផេកការិយាល័យផ្សព្វផ្សាយតាមបណ្តាញសង្គមបានអោយដឹងថា កាលពីថ្ងៃចន្ទ០៨រោច ខែបឋមាសាឍ ឆ្នាំថោះ បញ្ចស័ក.ព.ស ២៤៦៧ ត្រូវនឹង ថ្ងៃទី១០ ខែកក្កដា ឆ្នាំ២០២៣នៅវេលាម៉ោង ០៦និង៣០នាទីល្ងាច មានករណីគ្រោះថ្នាក់ចរាចរណ៍០១ បានកើតឡើងរវាងម៉ូតូ និងគោយន្តកន្ត្រៃ បេីកបរក្នុងទិសដៅស្របទិសគ្នាពីត្បូងទៅជើង បណ្ដាលអោយអ្នកបើកបរម៉ូតូស្លាប់បាត់បង់ជីវិតនៅនិងកន្លែងកើតហេតុស្ថិតនៅត្រង់ចំណុចជិតវត្ត ព្រហ្មសីមារាម(ហៅវត្តប៊ូស្រា) ចន្លោះបង្គោល លេខ២៨.២៩ ស្ថិតក្នុងភូមិពូលុ ឃុំប៊ូស្រា ស្រុកពេជ្រាដាខេត្ត ខេមណ្ឌលគិរី ។
ជនរងគ្រោះមានឈ្មោះ វង្ស យូដាណេ (ហៅពៅ) ភេទប្រុសអាយុ៥៥ឆ្នាំ ជនជាតិខ្មែរ សញ្ញាតិខ្មែរ មានទីលំនៅ ភូមិពូលុ ឃុំប៊ូស្រា ស្រុកពេជ្រាដា ខេត្តមណ្ឌលគិរី បេីកម៉ូតូម៉ាកវីវ៉ាពណ៌ខ្មៅ ស្លាកលេខ (រដ្ឋ10 1-0909) គ្មានកញ្ចក់ គ្មានពាក់មួកសុវត្ថិភាព ។
អ្នកបេីកគោយន្តកន្រ្តៃមានឈ្មោះ ថ្លង់ ឡេល ភេទប្រុស អាយុ៤៣ឆ្នាំ ជនជាតិព្នង សញ្ជាតិ ខ្មែរ រស់នៅភូមិឡាំមេះ ឃុំប៊ូស្រា ស្រុកពេជ្រាដា ខេត្តមណ្ឌលគិរី (មិនស្គាល់អត្ត សញ្ញាណ) នៅឡើយ។
បច្ចុប្បន្នសមត្ថកិច្ចកំពុងស្រាវជ្រាវដើម្បីយកមកដោះស្រាយទៅតាមនីតិវិធីច្បាប់ តាមរបាយការណ៍របស់សមត្ថកិច្ចបានបញ្ជក់ថា÷មូលហេតុដែលបណ្តាលអោយមានករណីគ្រោះថ្នាក់ចរាចរណ៍នេះកើតឡើងគឺបណ្តាលមកពីមានភ្លៀងធ្លាក់ខ្លាំងមើលផ្លូវមិនឃើញហើយគោយន្តបើកបរមិនមានភ្លើងបំភ្លឺផ្លូវ ទើបបណ្តាលអោយមានគ្រោះថ្នាក់ចរាចរណ៍នេះកើតឡើងតែម្តង។
បច្ចុប្បន្ន សពជនរងគ្រោះត្រូវបានកម្លាំងជំនាញប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ចំណែកឯមធ្យោបាយ ត្រូវបានកម្លាំងជំនាញនៃអធិការដ្ឋាន ស្រុកពេជ្រាដាយកទៅរក្សាទុករងចាំការដោះស្រាយតាមនីតិវិធី៕